DALIN FOTOT/ Tragjedia në Fushë Prezë! Ky ishte mjeti me të cilin po lëviznin 4 të rinjtë, dy prej tyre ishin vëllezër

Enejd Laçi dhe Erildi Laçi janë dy vëllezërit që humbën jetën tragjikisht në aksidentin e rëndë në Fushë-Prezë, së bashku me kushëririn Andi Laçi dhe shokun e tyre, Enrikejd Kurti, pasi makina ku po udhëtonin u përplas me një betoniere.

Ndërkohë është publikuar edhe foto e makinës tip Benz, ku udhëtonin 4 viktimat, e cila pasi u përplas me betonieren u përfshi nga flakët duke bërë që të rinjtë të digjeshin brenda mjetit.

Mësohet se pranë vendit ku ndodhi ngjarja tronditëse ndodhej pika e betonit dhe betonieria sapo kishte dalë në rrugë.

Mjeti ka qenë në lëvizje, kur Benz-i ku udhëtonin viktimat ka ardhur nga pas dhe e ka goditur.

Benz-i ka shpërthyer menjëherë në flakë, duke u marrë jetën 4 të rinjve, që u dogjën brenda makinës. Policia po heton nëse betoniera ka pasur sinjale STOP nga pas.

Ky është momenti kur zjarrfikësit, pasi kanë shuar flakët që kishin përfshirë makinën, po punojnë për të nxjerrë 4 trupat e pajetë.

Siç shihet nga video e publikuar, makina është shkrumbuar totalisht. Shkaqet e aksidentit janë të paqarta, teksa policia dhe grupi hetimor kanë nisur hetimet për këtë ngjarje të rëndë.

Ndërkohë në polici është shoqëruar 24 vjeçari Aleksandër Krrashi, drejtuesi i betonieres me të cilën u përplas makina e viktimave përpara se të shpërthente në flakë.

dd

aksidenti 1

aksidenti 2

aksidenti 3

aksidenti 4

aksidenti 5

aksidenti 6

aksidenti 7

benzi

auto benzi11742462538