Bilanc lufte nga kaosi i tifozëve, 14 të plagosur dhe 60 italianë e holandezë të shoqëruar në polici

Bilanc lufte nga kaosi i tifozëve, 14 të plagosur dhe 60 italianë

Mbrëmja e djeshme është shndërruar në një luftë mes tifozëve të Romës dhe Feyenoord, si dhe policisë shqiptare.

Kaosi të tifozëve ka pasus në zonën e “9 katësheve”, ndërsa është rënduar gjendja te zona e stadiumit dhe në rrugën “Mustafa Matohiti”.

Po ashtu situata ka qenë kritike në ish-Bllok, te 21 dhjetori, Pallati me Shigjeta dhe Vasil Shanto, ku tifozët kanë lënduar gjashtë efektivë të policisë dhe një qytetar.

Ndërkohë, policia e shtetit ka bërë edhe bilancin pas këtyre përplasjesh ku ka njoftuar se 10 policë janë dëmtuar së bashku me 3 italianë dhe 1 holandez, si dhe janë shoqëruar 48 italianë dhe 12 holandezë.

Njoftimi i policisë:

Sonte në mbrëmje, një grup tifozësh kanë lëvizur në drejtim të stadiumit "Air Albania" dhe sipas informacioneve tentonin të përplaseshin me një grup tifozësh të skuadrës tjetër. Shërbimet e Policisë kanë tentuar t'i ndalojnë në rrugën "Mustafa Matohiti", ku tifozët e skuadrës Feyenoord, në mënyrë të dhunshme kanë goditur punonjësit e Policisë me shishe qelqi, shkopinj, gurë dhe sende të tjera të forta. Më pas, një grup tjetër tifozësh, të skuadrës së Romës, kanë lëvizur në drejtim të urës së DVP Tiranë ku dhe atje janë përplasur me shërbimet e Policisë duke përdorur gurë, shishe e shkopinj.

Si pasojë e dhunës së ushtruar nga tifozët e të dy skuadrave, janë plagosur 10 punonjës Policie dhe është dëmtuar një automjet policie. Shërbimet e Policisë kanë bërë të mundur shpërndarjen e tyre si dhe kanë shoqëruar në ambientet e Policisë 60 shtetas nga grupet e  tifozëve të dyja skuadrave, 48 shtetas italian dhe 12 shtetas holandez dhe vijon shoqërimi i personave të tjerë, të përfshirë në akte të dhunshme. Policia e Shtetit bën thirrje për shmangien e veprimeve të dhunshme, që nuk manifestojnë asnjë lidhje me sportin.

Policia e Shtetit është e vendosur për të garantuar rendin dhe sigurinë, për të parandaluar shkatërrimin e pronës si dhe për të garantuar mbarëvajtjen e aktivitetit sportiv që do të zhvillohet në "Air Albania". Dhe për këtë ka marrë të gjitha masat që parashikon ligji. Policia e Shtetit kërkon mirëkuptimin e qytetarëve që të mos provokohen nga individë apo grupe tifozësh që mund të jenë nën efektin e alkoolit dhe të njoftojnë menjëherë në 112 dhe Komisariatin Dixhital çdo tentativë të prishjes së rendit dhe sigurisë. 

Bilanc lufte nga kaosi i tifozëve, 14 të plagosur dhe 60 italianë

EMISIONET