101 aksidente në 30 ditë/ Qershori me 114 të plagosur dhe 18 të vdekur. E premtja, dita me më shumë aksidente

101 aksidente rrugore janë shënuar në vendin tonë gjatë muajit qershor të këtij viti. Sipas të dhënave 114 persona u plagosën në këto aksidente dhe 18 humbën jetën. E premtja është dita kur ndodhin më shumë aksidente, ndërsa e mërkura më pak!

18 persona humbën jetën 114 u plagosën vetëm në muajin qershor nga aksidentet në rrugë në vendin tonë!

Viktimat ishin 15 meshkuj dhe 3 femra, ndërsa u shënuan gjithsej 101 aksidente.

Sipas Institutit të Statistikave 18.8% e aksidenteve u shënuan ditën e premte të çso jave, ndërsa e shtuna vjen e dyta me 16.8 për qind.

Dita me më pak aksidente është e mërkura me 8.9 për qind.

Gjatë qershorit Tirana mban vendin e parë me aksidente me 44 e ndjekur nga Korça me 11 dhe Lezha me 10, ndërsa Berati dhe shkodra shënuan vetëm nga 1 aksident në një muaj.

528 aksidente janë shënuar në vendin tonë në 6 mujorin e parë të vitit 2023, ndërsa 722 persona u plagosën.

Në krahasim me muajin qershor të vitit 2022 këtë vit numri I aksidenteve u rrit me 3.1 për qind.

Aksidentet rrugore, në 82,2 % të rasteve, kanë ndodhur si pasojë e sjelljes së drejtuesit të mjetit.

Numri më i lartë i aksidenteve në këtë periudhë është kryer nga grup-mosha 25-34 vjeç, duke zënë 30,7 % të numrit të aksidenteve gjithsej.