VIDEO/ Arsenal “hakmerret” ndaj Everton, rikthehet në + 5 nga City ndjekës

Arsenali nuk zhgënjen në ndeshjen e prapambetur duke regjistruar një fitore të pastër 3-0 ndaj Everton, të tretën rresht në Premier League që e çon përfundimisht diferencën në 5 pikë me Manchester City-n ndjekës pas 24 ndeshjeve të zhvilluara nga të dyja skuadrat.

Saka, Odegaard dhe Martinelli asgjesuan Everton pa shumë probleme vetëm pak javë pas disfatës që ju shkaktoi në “Goodison Park” skuadra nga Liverpool-i.

Ndeshje pa shumë histori në “Fly Emirates” për ekipin e drejtuar nga Michel Arteta që dominoi nga minuta e parë në të fundit për të rifituar një distancë sigurie që vetëm dy javë më parë nuk ekzistonte pasi ekipi i Guardiola-s kishte arritur t’i barazonte “topçinjtë” në krye.

Në ndeshjen tjetër të mbrëmjes, Liverpool merr "oksigjen" me fitoren 2-0 ndaj Wolverhampton. Van Dijk dhe Salah bënë "drejtësi" në "Anfield Road" ku skuadra e Jurgen Klopp arriti me vështirësi ta zgjidhte ndeshjen në pjesën e dytë.

Me këtë fitore, Liverpool ngjitet në kuotën e 39 pikëve, 6 më pak se Tottenham i vendit të katërt dhe njëkohësisht me 1 ndeshje më pak për "The Reds".