Medalja e Artë në “Tokyo 2020”, Distria Krasniqi do të shpërblehet me 100 mijë euro
Me fitoren e Medaljes së Artë në Lojërat Olimpike “Tokyo 2020” xhudistja kosovare Distria Krasniqi, do të shpërblehet nga shteti i Kosovës me 100 mijë euro.
Kjo shumë është e përcaktuar nga rregullorja për shpërblime shtetërore për sportistet me rezultate të larta.
Sipas kësaj rregullore të miratuar nga Ministria e Kulturës, Rinisë dhe Sportit, shpërblimet do të jenë:
Lojërat Olimpike
Rekordi Olimpik – 200 mijë euro;
Medalja e artë olimpike – 100 mijë euro;
Medalja e argjendtë – 60 mijë euro;
Medalja e bronztë – 40 mijë euro.
Distria Krasniqi, në “Tokyo 2020” mposhti me “Wazzari” xhudisten japoneze Funa Tonaki.