Skandali me bonusin e bebeve, Qeveria holandeze dorëhiqet pak javë para zgjedhjeve

Qeveria holandeze u dorëhoq dy muaj para zgjedhjeve për shkak të një skandali me skenën e mirëqenies së fëmijëve. Autoriteti i taksave akuzoi gabimisht për mashtrim rreth 20 mijë prindër e disa prej tyre u zhytën në borxhe. Kryeministri Mark Rutte tha se i gjithë sistemi dështoi, ndaj dhe përgjegjësia duhet të jetë e përbashkët.

Kryeministri holandez Mark Rutte njoftoi dorëheqjen e qeverisë si përgjigje ndaj zbulimit të skandalit në skemën shtetërore të mirëqenies së fëmijëve. Mësohet se Autoriteti i taksave akuzoi për mashtrim rreth 20 mijë prindër gjatë aplikimit për skemën e mirëqenies së fëmijëve

Presioni ishte shumë i madh ndaj qeverisë holandeze që përpara mbledhjes të së premten, ku u diskutua dorëheqja dy muaj para zgjedhjeve parlamentare.

Momentalisht vendi ndodhet në vështirësi nga pandemia e koronavirusit pasi infektimet dhe numri ditor i viktimave është shumë i lartë, ndërsa vaksina po shpërndahet me ngadalë.

Një hetim parlamentar zbuloi në dhjetor se mijëra prindërve ju ishte ndërprerë ndihma shtetërore për fëmijët pas dyshimeve për mashtrim. Disa prej këtyre prindërve u zhytën në borxhe pasi u akuzuan gabimisht për mashtrim.

Qeveria kërkoi ndjesë për skandalin dhe mobilizoi 500 milionë euro për prindërit e prekur.

"Jemi në një mendje: nëse i gjithë sistemi dështoi atëherë edhe përgjegjësia duhet të jetë e përbashkët. Për këtë shkak do t’i paraqes Mbretit dorëheqjen e të gjithë kabinetit," tha kryeministri tashmë i dorëhequr Mark Rutte.

Edhe kryetari i Partisë së Punës Lodeëijk Asscher njoftoi dorëheqjen edhe nga zgjedhjet e 17 marsit. Partia e Punës është në opozitë ishte pjesë e koalicionit qeverisës deri në vitin 2017.

Bota Lajme Europa skandali dorehiqet qeveria holandeze