Lajçak nis sot vizitën dyditore në Kosovë, përgatitje për raundin e ri të dialogut në 18 Mars

Mirosllav Lajçak ka nisur këtë të enjte vizitën dy ditore në Prishtinë. I dërguari i Bashkimit Europian për dialogun mes Kosovës dhe Serbisë, nëpërmjet vizitave ka si synim përgatitjet për takimin e rradhës që do të mbahet në Ohër më 18 Mars.

Lajçak nis sot vizitën dyditore në Kosovë, përgatitje

I dërguari i Bashkimit Evropian për dialogun mes Kosovës dhe Serbisë, Mirosllav Lajçak, ka nisur këtë të enjte vizitën dyditore në Prishtinë, që ka si synim përgatitjet për raundin e ri të dialogut.

Lajçak gjatë vizitës në Prishtinë pritet të takohet me krerët e institucioneve shtetërore dhe me ata të partive opozitare.

Sipas Be-së, Lajçak pas vizitës në Kosovë, do të shkojë në Beograd më 13-14 Mars.

Vizita e Lajçakut në Prishtinë dhe Beograd vjen pas takimit të 27 shkurtit, kur kryeministri i Kosovës, Albin Kurti, dhe presidenti i Serbisë, Aleksandar Vuçiq, e pranuan planin evropian për normalizimin e raporteve.

Takimi tjetër I dialogut është caktuar të mbahet më 18 Mars në Ohër të Maqedonisë së Veriut dhe sipas BE-së, qëllimi kryesor tani është që palët të arrijnë pajtim rreth një plani si dhe të modaliteteve për zbatimin e propozimit evropian.

Kryeministri i Kosovës, Albin Kurti, deklaroi më 8 mars, se po vazhdojnë përgatitjet për takimin në Ohër.

Pavarësisht se e pranuan planin që të dy vendeve ju dorëzua vitin e kaluar, Kurti dhe Vuçiq nuk e nënshkruan dokumentin gjatë takimit të 27 shkurtit.

Kurti ka deklaruar se ishte i gatshëm ta nënshkruante propozimin evropian - Marrëveshjen drejt normalizimit mes Kosovës dhe Serbisë. Por, sipas tij, këtë gatishmëri nuk e pati pala serbe.

Blloku evropian ka thënë se pret që puna për zbatimin e propozimit të finalizohet para takimit të radhës të Këshillit Evropian, që mbahet më 23-24 mars.

Propozimi evropian synon që të çojë palët drejt një marrëveshjeje gjithëpërfshirëse për normalizimin e raporteve ndërmjet Kosovës dhe Serbisë.

Dokumenti prej 11 nenesh – që u bë publik më 27 shkurt nga BE-ja – nuk përmend në mënyrë specifike njohjen e ndërsjellë, që Qeveria e Kosovës ka thënë se duhet të jetë në qendër të një marrëveshjeje eventuale për normalizim të raporteve.

Megjithatë, në nenin 2 të propozimit thuhet se palët duhet të respektojnë pavarësinë, sovranitetin dhe integritetin territorial të njëra-tjetrës.

Ky dokument, që fillimisht njihej si propozimi franko-gjerman, ka mbështetjen edhe të Shteteve të Bashkuara.

EMISIONET