Salianji, shpëtimi i Berishës/ Genc Burimi tregon "puçin" me të cilin mund t'ja marrë Alibeajt vulën dhe logon e PD-së

Analisti, Genc Burimi, thotë se grupi i Alibeaj po zbaton një skenar komplotist për të mbajtur Sali Berishën jashtë proceseve zgjedhore deri në 2025 kur zhvillohen zgjedhjet e përgjithshme.

Në një intervistë për Ora News ai tha se kjo do ti hapte rrugë Ramës për të marrë një tjetër mandat 4 vjeçar.

Burimi:  Është një evolucion i pritshëm. Kur ndodhi polemika duhej regjistruar apo jo partia e vulës me një ish-kryetar të dorëhequr dhe një kryetar të komanduar asokohe menduam se mos ishte lojë e PD së Alibeaj që të gjente alibi për të mos u regjistruar në zgjedhje dhe kështu i shmangej ballafaqimit me PS dhe grupit të Berishës dhe në këtë rast nuk tregonte se kishte humbur. Ai skenar paranojak që menduam komplotist po realizohet sot. Sot partia e Alibeajt e vulës nuk është e aftë të radhisë kandidatë për të marrë pjesë si një parti e denjë opozitare në këto zgjedhje bashkiake. Vetë kandidati për Tiranën  u gjet gati në minutën e fundit. Siç e pohoi Roland Bejko që po mos të kishte shkuar, Alibeaj ishte gati të jepte dorëheqjen nga posti i kryetarit të PD. Është një anije  në mbytje e sipër që synimin e ka aspak fitore elektorale por të mbajë Sali Berishën jashtë proceseve zgjedhore, jashtë PD deri në 2025 ku luhet zgjedhjet e mëdha tradicionale, ato legjislative dhe ku pushteti i Ramës mund të marrë edhe një mandat 4 vjeçar. Kjo luhet.

Sipas tij Berisha e ka të pamundur të fitojë ndaj PS në shkallë vendi pa vulën.

Burimi: PD e Berishës nuk është e aftë të konkurojë me PS e Ramës që të fitojë zgjedhjet në shkallë kombëtare, e pamundur pa vulën. Do të kesh gjithmonë njerëz që do të votojnë gabimisht PD e Alibeajt duke menduar se është e Berishës.Kjo PD e Berishës sot mund të ketë dy objektiva të realizueshëm, e para të marrë Tiranën dhe kjo është e realizueshme dhe dyta ti japë një shuplakë të fortë grupit të Alibeaj me 14 maj siç ja dha me 6 mars. Por sa impakt do të ketë kjo që vula ti jepet Berishës, nuk e besoj sepse sot establishmenti Drejtësi-Ramë-Amerikë nuk e duan Berishën.

Gjithë ky proces, vlerëson analisti, duhet të ndodhë para 2025.

Berisha: Koalicioni "Bashkë Fitojmë" është i detyruar si me 6 mars ngaqë Berisha nuk ka logon dhe vulës, po ti kishte pse duhet të hajë Berisha me dorën mbrapsht.Ky devijim do të bëjë që grupimi i Berishës të humbasë vota në rrugë e sipër në atë shkallë që nuk do i lejojnë këtij grupimi të fitojnë zgjedhjet lokale në rang vbendi por mund ti fitojnë në Tiranë, ndoshta në Durrës dhe Elbasan dhe sidomos do të mundin grupin Alibeaj. Të gjitha këto nuk kanë asnjë impakt në jetën e shqiptarëve, ndodh vetëm me zgjedhjet legjislative. Pushteti lokal nuk ka fuqi në Shqipëri.Këto zgjedhje nuk kanë asnjë vlerë përveç matjes së peshës së secilit grupim. Zgjedhjet legjislative janë ato që përcaktojnë fatin e shqiptarëve.Këto zgjedhje po sabotohen sot, legjislative, me marrjen e vulës dhe logos në mënyrë që Berisha të pengohet të shkojë me logon e PD në 2025. Sa më shpejt Berisha të gjejë një mënyrë të marrë logon dhe vulën e PD para 2025 aq më shumë shanse ka të rikthejë PD e vërtetë në pushtet. Ndryshe edhe 2025 është e kompromentuar.

Por si mund të merret logoja dhe vula e PD nga Berisha? Edhe për këtë analisti e ka një skenar.

Burimi: Logoja fitohet me shtatë hile trimëri, po me aq dinakëri sa e mori grupi i Alibeajt dhe Bashës. Njerëz të afërt me Berishën, jo ai vetë. Marrim Salianjin, sot ka një këmbë te Alibeaj dhe një këmbë te Berisha. Ka shumë si ai. Salianji sot është deputet por dhe anëtar i PD.Çfarë e pengon Salianjin sot nëse do të ndihmojë Berishën, të krijojë një grupim brenda PD së Alibeajt. Në mënyrën më demokratike, më zyrtare ky grupim të kërkojë mbajtjen e zgjedhjeve te PD e Alibeajt në mënyrë që të zgjidhet kryetari normal i PD.Pastaj aty të bëhet puçi, i merret PD Alibeajt. Por këtë nuk e bën dot Berisha.

EMISIONET