Begaj uron bluzat e bardha në Ditën Ndërkombëtare të Mjekëve: Punë të palodhur në shërbim të qytetarëve

Begaj uron bluzat e bardha në Ditën Ndërkombëtare të

Presidenti i Republikës, Bajram Begaj ka uruar bluzat e bardha në kuadër të Ditës Ndërkombëtare të Mjekut.

Në një reagim në faqen e tij zyrtare në rrjetin social "facebook", Kreu i Shtetit vlerëson kontributin e mjekëve në shërbim të qytetarëve, duke sjellë në vëmendje dhe pandeminë e COVID-19.

"Në Ditën Ndërkombëtare të Mjekut, uroj të gjithë mjekët e Shqipërisë, për punën e tyre të palodhur, në shërbim të qytetarëve.

Pandemia COVID-19, na risolli në vëmendje madhështinë dhe përulësinë e misionit të mjekut. Për muaj me radhë, mjekët tanë iu dedikuan pacientëve të sëmurë, duke i qëndruar besnikë “Betimit të Hipokratit” e duke mos pyetur për rrezikun që i kanosej atyre vetë apo familjarëve.

Sot, tek sa për fat ditët e vështira të pandemisë duken kujtim i së shkuarës, nuk duhet t’i mbetet së shkuarës shembulli i vetëmohimit të tyre, përkundrazi, duhet të jetë një arsye më shumë, për të respektuar bluzat e bardha për profesionalizmin dhe perkushtimin e tyre.

Respekt dhe mirënjohje ndaj mjekëve tanë, ndaj të gjithë kolegëve dhe miqve të mi të nderuar!", shpreh në mesazhin e tij, Presidenti i Republikës, Bajram Begaj.

 

bajram begaj presidenti presidenti i republikës

EMISIONET