Kuvendi Kombëtar, Noka: Fytyra e qeverisjes sot është krimi i organizuar

Në Kuvendin Kombëtar të Partisë Demokratike ka folur edhe Sekretari i Përgjithshëm i kësaj force politike Flamur Noka.

Ai tha në fjalën e tij se, “fytyra e qeverisjes sot është krimi i organizuar. Edi Rama në këtë aspekt nuk ka të dytë.

Ai është unik në botë për faktin se i tregoi gjithe botës se si bëhen banditët investitorë strategjikë. “Dhe s’duhet të pushojmë asnjë moment. S’ka lodhje kur ke kauzën e drejtë derisa t’ja dalim”, tha Noka.

Fjalimi i Flamur Nokës

Ne vijmë në këtë kuvend, në ditë të vështira për vendin. Sot nuk ka më asnjë diskutim, asnjë dyshim për identifikimin e të keqes që ka zënë për fyti Shqipërinë.

Ne këtë konkluzion tani është çdo mendje e shëndoshë, e çdokush tjetër që nuk përfiton nga sistemi autokratik dhe i korruptuar i Edi Ramës.

Eshtë e dukshme, e prekshme, dhe e pakontestueshme, që fytyra e qeverisjes, sot, është afera, eshte vjedhja, eshte babezia.

Fytyra e qeverisjes sot eshte krimi i organizuar. Edi Rama ne kete aspekt nuk ka te dyte. Ai eshte unik ne bote per faktin se i tregoi gjithe botes se si bëhen banditët investitorë strategjikë.

Kur vjen puna të drejtësia, fytyra e regjimit eshte SKAPI i Partise qe perdoret per inkuizicion Stalinist ndaj opozites dhe  që mbyll sytë para vjedhjeve te Shekullit, Inceneratorit , koncensioneve kriminale , apo megavjedhjes  ne Portin e Durresit, sepse pas tyre fshihet Rama, Veliaj , Agaci.

Fytyra e regjimit, e Edi Ramës është dhe afera MCGONIGAL, si mendesi enverite e Rames për asgjësimin e kundërshtarit politik.

Shihni parlamentin. E trajton si appendix te  kryeministrisë, ku duhet të vendoset sipas humorit të tij. Linditen e trajton  si kukull me telekomande,  Kushtetuten si nje  rrogzine. ..

Nuk ka se çfarë të bëjë më shumë një sistem autoritar . Edi Rama ka krijuar nje gulag modern nje mega  kamp Perqendrimi.

Ndaj për këtë vend ne kemi zgjedhur të përballemi. Dhe do të përballemi deri në fund.

Nuk ka masa gjysmake, nuk ka shpresë se Edi Rama mund të korrigjohet, apo se mund të bëhet një ditë shtetar i një republike demokratike e parlamentare, ku ka zgjedhje të lira e ku funksionon drejtësia. Nuk ka më iluzione që ky armik i demokracisë dhe i Shqipërisë do të gdhihet nesër njeri normal.

Edi Rama është ky, dhe çdo ditë e më shumë më i korruptuar, më shtypës. Ai është maljinj, është e keqja që i ka zënë rrugën vendit, e ka asfiksuar Shqipërinë .

Ndaj miqtë e mi, ne kemi zgjedhur të përballemi. Dhe do të përballemi deri në fund.

Ndaj çdokush që mendon e bën një gjë tjetër përveç përballjes, i shërben Edi Ramës.

Për fat të keq, edhe ai, ajo, që qëndron në heshtje, që nuk e shfaq revoltën, që nuk e shpall mospajtimin, pa dashje sërish i shërben Edi Ramës.

Një pjesë e madhe kanë ikur, janë larguar. Ka dhe nga ata qe kane  humbur besimin dhe jane dorezuar, se regjimi është dhunues e ka 1 mijë instrumenta në dorë.

Po ne demokratët jemi këtu, jemi në këmbë, nuk do të reshtim kurrë së luftuari derisa ta zhbëjmë regjimin, derisa ta rrezojmë të keqen, derisa ta ulim në gjunjë Edi Ramën.

Jemi fronti i lirisë dhe i rezistencës dhe me gjithë përpjekjet e njeriut më të korruptuar në Europë, për të na dobësuar, me hedhjen e drejtësisë në qafë, me marrjen e vulës, me gjymtimin tonë formal, nuk ja doli dhe nuk do ja dale dot të na ndalojë.

Ne do tu  japim forcë dhe zë shqiptarëve që në shumicë nuk e duan këtë regjim. Ne po u japim atyre një strehë të sigurtë për vlerat dhe parimet, për aspiratën që kanë për ta parë Shqipërinë sërish demokratike dhe europiane.

Eshtë e qartë që sa më shumë shtohet presioni dhe arbitrariteti i qeverisë, aq më shumë do shtohet dhe puna jonë.dhe lufta jone

asnjë ditë, asnjë orë pushim. Rezistenca dhe lufta jonë ndaj boshtit të së keqes, na jep epërsinë e padiskutueshme morale, dhe na jep forcën të jemi tek çdo shqiptar i ndershëm, tek çdo lagje, fshat e qytet.

Dhe s’duhet të pushojmë asnjë moment. S’ka lodhje kur ke kauzën e drejtë derisa t’ja dalim.

Kudo ku bëhet një zemër për vete, kudo ku bindet një qytetar për betejën tonë të drejtë, në çdo cep të vendit, aty e kemi dobësuar kete sistem kriminal, aty është goditur regjimi, aty eshte goditur e keqja, aty është lëkundur Edi Rama, dhe aty ka fituar Shqipëria. Ne nuk ndalemi. Ne do fitojme.

EMISIONET