Berisha prezanton Hysni Sharrën për Vlorën: Në 8 vite, 40% e vlonjatëve janë larguar nga vendi

Kreu i PD-së Sali Berisha ka prezantuar sot kandidatin për Bashkinë Vlorë, Hysni Sharra.

Ai tha se Shqipëria ka nevojë për ta sot më shumë se kurrë, ndërsa sërish theksin e Berisha e vuri tek largimi masiv i shqiptarëve. Berisha tha se Vlora “rënkon sot dhe na fton që të ndalim rrokullisjen”.

“Sot Vlora dhe Shqipëria kanë nevojë më shumë se kurrë për t’i dalë Zot. Kam ardhur sot tek ju me bindjen më të thellë se të gjithë ne, me një brengë të thellë shohim sesi Vlora pakësohet çdo ditë para syve tanë. Sesi Vlora, kjo mrekulli e natyrës, trevë e njerëzve të fortë, trima, braktiset çdo javë nga banorët e saj.

Po këtë fat ka Shqipëria! Në 8 vite, 40% e vlonjatëve janë larguar, 35% e shqiptarëve janë larguar nga Shqipëria. Po vazhduam kështu, çfarë do mbetet në vitet e ardhshme? Cila do jetë përgjegjësia jonë?

Çfarë ndodhi sot? A jemi të varfër si ’92? Jo, jemi shumë larg. Sot kemi një varfëri në shtim, që tremb, që rritet”, tha Berisha ndër të tjera," tha Berisha.