15-vjetori i Pavarësisë, Meta: Gëzuar Kosovë! Në pak vite u kthye në një frymëzim për Shqipërinë!
Ish-Presidenti i Republikës, tashmë kryetar i Partisë së Lirisë Ilir Meta, ka uruar pavarësinë e Kosovës.
Në një mesazh të përcjellë përmes rrjeteve sociale, Meta shkruan se në pak vite Kosova u kthyer në një shembull frymëzues për Shqipërinë dhe rajonin.
"Gëzuar Ditën e Pavarësisë Kosovë e dashur!
Ndajmë krenarinë e përparimit të jashtëzakonshëm në të gjitha fushat dhe elementët shtetndërtues duke u kthyer në vetëm pak vite një shembull frymëzues për Shqipërinë dhe rajonin!
Urimet më të përzemërta!", shprehet në urimin e tij ish-kreu i Shtetit, Ilir Meta.