Basha në emër të opozitës: Ndryshimet Kushtetuese maskaradë, nuk janë të detyrueshme

Opozita e Bashkuar deklaroi se nuk njeh miratimin e ndryshimeve kushtetuese të njëanshme dhe se ato nuk janë të detyrueshme për të.

Lulzim Basha pas mbledhjes me aleatët, në një deklaratë për median e konsideroi një akt të paprecedent në 30 vjet, dhe theksoi se asnjë makinacion i Edi Ramës nuk e ndan dot koalicionin e opozitës së bashkuar dhe se as fitoren e tyre para shqiptarëve.

Votimi i sotëm, tha Basha, ishte akti i fundit që tregon se koha e Ramës po mbaron.

Basha: Kurrë më parë nuk është ndryshuar Kushtetuta në mënyrë të njëanshme në 30 vjet pa konsensusin e opozitës. Rama kërkon të marrë peng Shqiërinë për të shpëtuar veten e tij, kërkon të marrë peng të ardhmen europiane për të shpëtuar karrigen e tij. Nuk do t'ja dalë. Akti i sotëm është treguesi i fundit se Rama e di që koha e tij po mbaron. Ndryshimet e njëanshme pa konsensusin e opozitës në shkelje të 5 qershorit janë të prapranueshme, nuk janë të detyrueshme për opozitën dhe aq më pak për qytetarët shqiptarë.

Atyre që kërcënojnë të na kthejnë në të shkuarën e partisë, u themi se do të vazhdojmë betejën për mbrojtjen e demokracisë, për të mbrojtur votën e lirë dhe për të fituar zgjedhjet me shqiptarët bashkë. Fuqia jonë është te vota dhe mbështetja e qytetarëve, opozita e bashkuar do ta sjellë ndryshimet sado të përpiqen të manipulojnë sistemin, kualicionin e madh të shqiptarëve nuk e tjerësojnë dot. Qëndrojmë të bashkuar dhe flasim njëzëri. Kur të vijë dita e zgjedhjeve në Shqipëri do të vendosë vetëm vullneti i popullit shqiptar.

Ndërsa la selinë blu pas takimit me Bashën, Monika Kryemadhi, deklaroi se Rama do të bjerë vetë në gropën që mendon se u ka hapur kundërshtarëve të tij politikë.

Basti i Kryemadhit: PS, në rastin më të mirë me 40 deputetë. Po çahet guri nga urrejtja për Edi Ramën

Kuvendi i Shqipërisë miratoi sot ndryshimet Kushtetuese me 106 vota pro dhe 10 kundër.

Nga ana tjetër 6 deputetë nuk morën pjesë në votim, tre për arsye shëndetësore. Në seancën e sotme ishin të pranishëm 116 deputetë.

Opozita tha se do të vijojë betejën për demokracinë dhe nuk do te nderpresë marrëdhënien me këshillin politik.

Vendi Lajme lulzim basha Politikë ndryshimet kushtetuese nderkombetaret