Avaria në Ancona, Pas 36 orësh disa pasagjerë në Durrës, të tjerë ende në Bari

Nga OraNews Përditësimi i fundit 20 Korrik 2015, 09:00

Merr fund udhëtimi i mundimshëm vetëm për një pjesë e gati 600 pasagjerëve të tragetit “Marina” i cili një orë pas daljes nga porti i Anconës, Itali, mbrëmjen e 18 korrikut pësoi avari duke u rikthyer në port. Trageti që mbërriti sot në mëngjes në brigjet e Durrësit tranportoi një pjesë të udhëtarëve bazuar në vendet e lira, ndërsa të tjerët mbeten në Bari, në pritje të trageteve të pasdites dhe të mbrëmjes të së hënës. Pas 36 orësh udhëtim pasagjerët zbritën në portin e Durrësit. Ata ishin nisur në orën 19:00 të 18 shkurtit nga Ancona drejt Durrësit por pas një ore trageti pësoi avari. Pasagjerët kaluan natën në mes të detit, për tu kthyer në mëngjes në portin e Anconas. Pas një varg mundimesh, dhe ndërhyrjesh të autoriteteve pasagjerët rinisën udhëtimin nga Ancona drejt Barit të Italisë, për të mbërritur në Durrës rreth orës 09:00 të 20 korrikut një pjesë e tyre, ndërkohë gazetarja e Ora News, Manjola Hasa informon se pjesa tjetër e pasagjerëve do të vijnë me tragete të tjera të linjës Bari- Durrës. Transporti po kryhet me tragetete te linjave dhe është thuasje e pamundur të trasportoheshin të 500 pasagjerët e tragetit që pësoi defekt. [caption id="attachment_549274" align="alignnone" width="640"]

Ne foto: Trageti mberrin ne portin e Durresit[/caption] [caption id="attachment_549275" align="alignnone" width="640"]

Ne foto: Pasagjeret zbresin nga trageti dhe mberrijne ne port[/caption] Pasagjerët: Në traget na zuri frika Pasagjeret fajësuan kompaninë e udhëtimit që nuk kreu kontroll teknik të tragetit para nisjes Ora News përmes gazetares Manjola Hasa sjell dëshmitë e disa pasagjerëve që sot në mëngjes zbritën në portin e Durrësit: "Pasi udhëtuam 10-20 milje pati një defekt në motor. Nga ora 22:00 deri në orën 05:00 kemi qenë në mes të detit. Kishte dhe frikë në target, pasi kishte dhe gra e fëmijë” thotë një pasagjer. “Megjithë mend e marrim sakrificën të vijmë në Shqipëri për të kaluar ca ditë, por të zë frika të vish” thotë një grua tjetër. [caption id="attachment_549193" align="alignnone" width="640"]

Ne foto: Pasagjeret zbresin nga trageti dhe dalin ne portin e Durresit[/caption] [caption id="attachment_549192" align="alignnone" width="640"]

Ne foto: Pasagjeret zbresin nga trageti dhe dalin ne portin e Durresit[/caption] Një tjetër shqetësim serioz vjen nga tregtarët. Në portin e Ankones qëndojnë prej dy ditësh edhe mallrat e ngarkuara në dhjetra kapmionë që do të traportoheshin në Shqipëri. Kjo ka shkaktuar reagimin e fortë të tregtarëve që ankohen se produktet e tyre po shkatërrohen. Autoritetet portuale të Durrësit sqaron se i takon kompanisë së udhëtitmit dhe homologëve të tyre ne portin e Barit ta zgjidhin këtë situatë duke shmangur kështu çdo përgjegjësi nga vetja. Pasagjerët 20 orë të bllokuar në tragetin Durrës- Ankona Për 20 orë pasagjerë, shumica shqiptarë e kosovarë, qëndruan të bllokuar në tragetin "Marina" në portin e Ankonës, Itali. Pasagjerët ishin nisur mbrëmjen e djeshme, 18 korrik, rreth orës 19:00 nga Ankona drejt Durrësit, por pas një ore lundrimi trageti pësoi avari. Trageti ishte kthyer në port herët në mëngjes, por pasagjerët qëndruan në traget për gjithë natën dhe deri në orën 14: 30 të 19 korrikut. “Nuk lejohemi të dalim prej 14 orësh” denoncoi një pasagjer në Ora News në orën 09:00 të 19 korrikut. Sipas informacioneve në tragetin që mbante emrin "Marina" ndodheshin rreth 600 pasagjerë, mes tyre gra e fëmijë. Ndërhyrja e autoriteteve Pas denoncimit në media erdhi dhe reagimi i Kapitenit të Porteve, Hysni Aruçi i cili në orën 10:00 deklaronte: Aktualisht po punohet për riparimin avarisë së tragetit në portin e Ankonës." Kapiteni i Porteve, Hysni Aruçi informoi se pasagjerëve, mes tyre shumë shqiptarë, u është dhënë asistenca e duhur si dhe u është rimbursuar bileta e udhëtimit nga kompania. Gjithashtu pasagjerët do të udhëtonin drejt Durresit me traget të linjës Bari-Durrës. Ndërkohë u informua se po punohej për riparimin avarisë së tragetit në portin e Ankonës. Mosbesimi

Rreth orës 12:30 një pasagjer i tragetit të linjës “Ankona- Durrës” në një lidhje telefonike për Ora News tregoi se gjithë natën e kishin kaluar në traget vetëm me një shishe ujë dhe një vakt ushqimi, ndërsa kondicionerët nuk funksionin dhe ishte shumë nxehtë.

Skënder Shehu nga Peja, i bëri thirrje autoriteteve shqiptare të ndërhyjnë me qëllim që pasagjerët të dalin nga trageti por dhe të garantohet se në Bari ka një traget që i pret, pasi këta të fundit mendojnë se është mashtrim.

Apeli në Ora News nga Ankona , 12 orë i bllokuar në traget, pasagjeri: Shteti të ndërhyjë, ka mosbesim mes udhëtarëve Në orën 14: 30 minuta pasagjerët ishin nisur drejt Barit nga ku do të udhëtonin me traget për në Durrës. Pasagjerët udhëtuan me makinat e tyre private ndërsa kush nuk kishte makinë kompania kishte vendosur autobus Ancona-Bari. Pasagjerja për Ora News: Nuk na është rimbursuar bileta [caption id="attachment_548771" align="alignnone" width="640"]