Përdorimi i tepruar i telefonave inteligjentë ndryshon nxit këto çrregullime në trurin e të rinjve

Një studim i ri ka gjetur se të rinjtë që përdorin telefonat inteligjentë në mënyrë problematike tregojnë ndryshime në mënyrën se si lidhen pjesët e trurit që përpunojnë emocionet dhe vetëkontrollin.

Hetimi u botua në revistën BMC Psychology.

Studiuesit analizuan 72 studentë të moshës 18 deri 25 vjeç.

Nga këta, 37 studentë kishin zakone problematike të përdorimit të telefonave inteligjentë, ndërsa 35 të tjerë shërbyen si grup kontrolli.

Të gjithë pjesëmarrësit plotësuan pyetësorë për të vlerësuar aftësinë e tyre për të menaxhuar emocionet negative.

Rezultatet treguan se përdoruesit problematikë kishin modele të ndryshuara lidhjeje në amigdalë, një pjesë e trurit e lidhur me përpunimin e emocioneve.

Këto ndryshime lidhen me vështirësi në kontrollin e impulseve dhe menaxhimin e ndjenjave të këqija, si ankthi apo irritimi.

Studiuesi Yu-Lu Wang dhe ekipi i tij përdorën skanime me rezonancë magnetike funksionale për të hetuar aktivitetin e trurit gjatë qetësisë, duke zbuluar ndryshime të dukshme tek përdoruesit problematikë të telefonave inteligjentë.

Rezultatet tregojnë se përdorimi i tepruar i teknologjisë mund të ndikojë në mënyrën se si truri menaxhon emocionet dhe vetëkontrollin, duke nxitur vëmendjen ndaj përdorimit të shëndetshëm të pajisjeve dixhitale.