Loja e lashtë e Majave/ Arkeologët zbulojnë tabelën e rezultateve për lojën pelota

Një nga lojërat që luhej qindra vjet më parë nga fiset maja quhej Pelota. Zbulimet e fundit nga arkeolgët në Meksikë dëshmojnë një gur rrethor që shërbente për të shënuar rezultatet e kësaj loje. Gjetja konsiderohet e veçantë.

Arkeologët në Meksikë kanë zbuluar një gur të gdhendur që ata besojnë se është përdorur si tabelë për pelota, një lojë me top, të luajtur nga Mayat qindra vjet më parë. Guri rrethor u gjet në zonën arkeologjike Chichen Itza dhe mendohet të jetë të paktën 1200 vjet i vjetër.

Në qendër të saj janë dy lojtarë me kapelë, dhe rreth tyre diçka është shkruar me hieroglife. Ekspertët tani po analizojnë shkrimin për të deshifruar kuptimin e tij të mundshëm.

Guri, 40 kg u gjet nga arkeologia Lizbeth Beatriz Mendicut Pérez në një kompleks arkitektonik të njohur si Casa Colorada (Shtëpia e Kuqe). Ajo është një nga ndërtesat që rrethojnë sheshin kryesor në qytetin parakolumbian të Chichen Itza.

Ekspertët besojnë se guri do të kishte zbukuruar një hark në hyrje të kompleksit gjatë fundit të viteve 800 ose fillimit të viteve 900. U gjet me fytyrë gjysmë metri nën tokë, ku mendohet se ka rënë kur u shemb harku.

Instituti Kombëtar i Antropologjisë dhe Historisë të Meksikës tha se guri përbënte një gjetje të çmuar.

"Është e rrallë të gjesh shkrime hieroglifike në këtë vend Maya, dhe akoma më rrallë të gjesh një tekst të plotë. Kjo nuk ka ndodhur në 11 vjet," shpjegoi arkeologu Francisco Pérez Ruiz.

Një ekip ekspertësh në ikonografi ka identifikuar dy figurat qendrore si lojtarët e pelota, njëri prej të cilëve mban një mbulesë me pupla dhe tjetri - që supozohet të jetë kundërshtari i tij - mban atë që njihet si "çallma e gjarprit".

Pelota është një lojë që luhet me një top të rëndë gome. Mendohet se është 3000 vjeçare dhe është luajtur në të gjithë Mesoamerikën.

maja loja pelota