Italiani ndalohet në Muriqan, kishte fshehur 53 kg kanabis "çokollatë" brenda bombolës së gazit

53 kilogram lëndë narkotike marijuanë në formë çokollate u kap në Muriqan e fshehur në tre bombola gazi të instaluara në një makinë. Tentativa e trafikut të drogës çoi pranga një 60 vjeçar italian.

Këto tre bombola gazi të montuara poshtë makinës ishin modifikuar për të trafikuar drogë nga Shqipëria!

Por ato tërhoqën vëmendjen e policisë në dalje pranë doganës së Muriqanit!

Kontrolli me mjete të specializuara zbuloi të fshehur brenda tyre 53 kilogram lëndë narkotike marijuanë në formë çokollate.

Në pranga u vu menjëherë në kushtet e flagrancës shtetasi Italian Cristino Trapani, 60 vjeç që drejtonte mjetin.

Siç tregojnë pamjet e publikuara nga Policia bombolat e gazit ishin të dyfishta dhe për nxjerrë lëndën narkotike u kërkua prerja e tyre.

Droga ishte e ndarë në dy pjesë, një me peshë 30 kilogram e tjetr 23.

Policia e Shkodrës ndërkohë thotë se ka nisur një hetim për të zbuluar vendin ku është blerë lëndë narkotike dhe ku është bërë modifikimi i bombolave të gazit për trafik.

Tentativa të ngjashme janë goditur edhe më parë në pikat kufitare shqiptare tokësore e detare.

Vendi Lajme Kronike italian muriqan