“ZËRI EUROPIAN” PËR SIGURINË/ Britania, anije luftarake në Arktik, Zelensky në zgjedhje! Von Der Leyen: Nuk duhet ta ‘blejmë’ narrativën ruse

Udhëheqësit evropianë paraqitën një front të bashkuar në favor të mbrojtjes dhe forcimit të aleancës së NATO dhe vetë udhëheqjes Europiane. Në konferencën e Sigurisë në Mynih, fokusi u ndal te Ukraina dhe ndërveprime konkrete që do të merren në vijim.

Udhëheqësit botërorë janë mbledhur në Gjermani në konferencën e sigurisë. Kryeministri britanik, Presidenti Ukrainas dhe Presidentja e Komisionit Europian kanë mbajtur fjalën e tyre me qëndrime kryesisht të fokuar në çështjen në Ukrainë dhe rëndësisë Europiane.

 Sir Keir Starmer thotë se Evropa është një "gjigant i fjetur" dhe Rusia ka bërë një "gabim të madh strategjik". Ai ka njoftuar  se Mbretëria e Bashkuar do të vendosë grupin e saj të sulmit të anijeve luftarake në Atlantikun e Veriut dhe rajonin e Veriut të Lartë këtë vit.

Kryeministri shton se grupi do të drejtohet nga HMS Prince of Ëales, "duke vepruar së bashku me SHBA-në, Kanadanë dhe aleatët e tjerë të NATO-s".

"Kjo është gjithashtu arsyeja pse ne po forcojmë bashkëpunimin tonë bërthamor me Francën. Për dekada, Mbretëria e Bashkuar ka qenë e vetmja fuqi bërthamore në Evropë që ka angazhuar forcën e saj parandaluese për të mbrojtur të gjithë anëtarët e NATO-s."

Starmer thotë se kjo gjithashtu do të thotë se nuk ka siguri evropiane pa Britaninë.

“Nuk jemi më Britania e viteve të Brexit-it. Sepse e dimë që në një botë të rrezikshme, nuk do ta merrnim kontrollin duke u kthyer nga brenda, do ta dorëzonim atë, dhe unë nuk do ta lejoj që kjo të ndodhë. Kjo është arsyeja pse i kushtoj kohë si kryeministër udhëheqjes së Britanisë në skenën botërore dhe kjo është arsyeja pse jam këtu sot sepse jam i qartë se nuk ka siguri britanike pa Evropën".

Ndërkohë Presidenti ukrainas Volodymyr Zelenskiy është besim plotë se bisedimet e paqes të ndërmjetësuara nga SHBA-të javën e ardhshme në Gjenevë do të jenë serioze dhe thelbësore, por ai shprehu shqetësim se Ukrainës po i kërkohet "shumë shpesh" të bëjë lëshime.

Zelenskyy thotë se 'do të shkojmë në zgjedhje' nëse ka një armëpushim për dy muaj

Volodymyr Zelenskyy i ka dërguar një mesazh Donald Trump, duke i thënë "do të shkojmë në zgjedhje" nëse ka një armëpushim midis Ukrainës dhe Rusisë për dy muaj.

Presidenti ukrainas shton se nëse presidenti amerikan dëshiron që të mbahen zgjedhjet, atëherë Kievi do të ndryshojë legjislacionin e tij.

Zelenskyy kërkon më shumë presion pasi Rusia 'dëgjon vetëm forcën'

Presidenti ukrainas këmbëngul se Rusisë nuk mund t'i "jepet shpresë se mund t'ia dalë mbanë me këtë krim" të pushtimit të Ukrainës.

Zelenskyy thotë se ka shpresa për diskutimet e ardhshme trepalëshe në Gjenevë, por shpesh ndihet se secila palë po flet për "gjëra krejtësisht të ndryshme".

Evropa ka nevojë për Ukrainën, deklaroi Volodymyr Zelenskyy gjatë fjalimit të tij në Konferencën e Sigurisë në Mynih.

Pavarësisht shqetësimeve për jetëgjatësinë e NATO-s, Zelenskyy thotë se Ukraina mbështet aleancën dhe dëshiron që ajo të bëhet më e fortë.

Ndërkohë, Presidentja e Komisionit Evropian Ursula von der Leyen vuri theksin te një pakt mbrojtje të ndërsjellë të ankrouar në traktatin themelues që sipas saj BE-ja duhet të sjelli.

Presidentja e Komisionit Evropian, Ursula von der Leyen, thotë se është "jashtëzakonisht e rëndësishme që të mos besohet narrativa ruse" në lidhje me pushtimin e Ukrainës nga Moska.