Von der Leyen: Nuk ka një afat kohor të përcaktuar për anëtarësimin e Ukrainës në BE
Nga OraNews Përditësimi i fundit 3 Shkurt 2023, 16:27
Presidentja e Komisionit Evropian, Ursula von der Leyen, tha sot se nuk ka afate strikte për anëtarësimin e Ukrainës në Bashkimin Evropian dhe se ka disa synime që Kievi duhet t'i përmbushë në kontekstin e përpjekjeve për anëtarësim.
Në një konferencë për shtyp në Kiev, ajo tha gjithashtu se paketa e ardhshme e sanksioneve të BE-së kundër Rusisë do të synojë pjesë të dronëve rusë të përdorur në Ukrainë.
"Nuk ka orare strikte, por ka synime për t'u arritur," tha Von der Leyen kur u pyet për rrugën e pranimit të Ukrainës.