Panik në Spanjë/ Makina përplas këmbësorët në Madrid, dy të vdekur dhe pesë të plagosur

Dy burra, të moshës 72 dhe 81 vjeç, vdiqën mesditën e së enjtes pasi u përplasën nga një automjet me shpejtësi në një rrugë të Madridit, ndërsa shoferi u përpoq të ikte nga ndjekja e policisë, thanë burimet e policisë dhe shërbimeve të urgjencës për El Pais.

Ngjarja ka shkaktuar edhe pesë lëndime të lehta.

Dy personat e vdekur janë përplasur në dy pjesë të ndryshme të trotuarit, ndërsa hetuesit kanë përjashtuar mundësinë e një motivi terrorist.

Policia konfirmoi se në makinë ndodheshin tre persona, dy prej të cilëve janë arrestuar, ndërsa i treti është arratisur.

Sipas informacioneve të El Mundo, autorë të aksidentit janë një grup personash që kanë për qëllim vjedhjen e katalizatorëve.

Ata po kalonin qytetin e Leganies me një Mercedes C-Class ngjyrë kafe, kur një patrullë policie i vuri re duke lëvizur në mënyrë të dyshimtë.

Më pas ata kontrolluan targat dhe zbuluan se mjeti ishte në kërkim për përfshirje në vjedhjen e katalizatorëve.

Policia ndaloi mjetin për kontroll, por drejtuesi i mjetit u largua me shpejtësi dhe u largua.

Pasoi një ndjekje dhe automjeti hyri në Madrid nëpërmjet Paseo de Extremadura, ku ndodhi aksidenti pasi theu semaforët dhe përplasi këmbësorët.

Një dëshmitar vuri në dukje se makina iu shmang disa automjeteve në rrugën kryesore të lagjes Paseo de Extremadura përpara se të godiste viktimat.

"Po vinte me një shpejtësi të jashtëzakonshme," tha gruaja.

Trafiku në rrugën kryesore të Paseo de Extremadura, ku ndodhi aksidenti, është bllokuar përkohësisht nga policia.

spanje aksident rrugor