Gjermania shtyn përpara marrëveshjen tregtare mes BE-së dhe SHBA-së!

Kancelari i Gjermanisë Friedrich Merz ka shprehur besim se Parlamenti Evropian do të miratojë javën e ardhshme marrëveshjen e rëndësishme tregtare mes Bashkimi Evropian dhe Shtetet e Bashkuara të Amerikës.

Duke folur para Bundestagut, kancelari gjerman theksoi se votimi do të jetë një provë e qartë se Evropa respekton angazhimet e saj ndërkombëtare dhe pret të njëjtën qasje edhe nga partnerët amerikanë.

Sipas Merz, marrëveshja e arritur me administratën e Donald Trump ka potencialin të eliminojë një prej pengesave kryesore në marrëdhëniet transatlantike dhe të forcojë bashkëpunimin ekonomik mes dy blloqeve.

Kancelari gjerman nënvizoi gjithashtu se BE-ja po zgjeron rrjetin e partneriteteve tregtare në nivel global. Ai përmendi marrëveshjet e fundit me Meksikë dhe vendet e Mercosur, si dhe përparimin në negociatat me Indi, Australi dhe Indonezi.

“Evropa është një partner shumë i dëshiruar në skenën globale dhe do të vazhdojë të luajë një rol aktiv në mbrojtjen e tregtisë së hapur dhe rendit ndërkombëtar të bazuar në rregulla”, deklaroi Merz.