BOOM: Projekti Bashkisë Tiranë falimenton banorët e Vaqarrit, shpronësime me 500 lekë metri, çmimi i tregut 70 euro

Sot në emisionin investigativ BOOM në RTV Ora u trajtua shqetësimi  shumë i madh i banorëve të  Vaqarrit.   

Familja Taku ka ne pronësi 380 m2 toke truall të trashëguar dhe me certifikatë pronësie.

Në muajin tetor marrin  njoftimin se duhet ta lirojnë pronën që e gëzojnë prej vitesh.

Por çfarë ka ndodhur? 

Familja Taku: Na vjen letër nga bashkia se duhet ta lirojmë pronën për interes publik pasi është shpallur  zonë e re për zhvillim, sepse do ndërtohen shtëpi që janë shkatërruar nga tërmeti. Çështja është se shteti tallet, ne për 380 metra toke do kompensohem 200 mijë leke të reja, ose 2 milion lekë të vjetra. Na kanë llogaritur 500 lekë metrin e tokës. Ky është skandal.  Për më tepër  më përjashtuan menjëherë nga procesi i legalizimit të lokalit bar kafe që kam. Po na heqin bukën e gojës. 

Familja Taku gëzon një prone me certifikatë pronësie te rregullt, por në kuadër të këtij projekti  do të shpronësohen me një çmim shumë të ulet dhe shumë qesharak 200 mijë lekë.

Çmimi i kompensimit është fare minimal 500 lekë për metër katror, ky çmim është shume larg  vlerës së tregut në këtë zonë.

Po ashtu, një rast të ngjashëm sjell edhe një tjetër person.

Pronari i tokës: Kam 3000 metra toke me certifikate pronësie. Duan te ma marrin me një çmim qesharak 448 leke për metër. Pra e gjithë toka te  me shpronësohet me 1 milion e 300 mije leke. Ky është skandal, vlera e  pronës time është shume me e larte. Vetëm muri rrethues  qe e kam me leje  me ka kushtuar 2. 7 milion leke. Ky është skandal. Ku ndodh qe ne këtë zone te  gjesh toke me 500 leke metri.

Gazetarja e BOOM ka kontaktuar  në telefon me individë dhe agjenci imobiliare që shesin prona në këtë zonë për të pyetur se sa është çmimi.

Gazetarja: Sa euro është metri i tokës në Vaqarr?

Agjenti imobiliar: Po shkon diku te 60-70 euro për metër katror.

Vendi Lajme Lajmi i fundit boom Aktualitet vaqarr shpronesime projekti i bashkise