Zbardhen detaje nga vendimi i Apelit të Posaçëm, Apeli: Kacidhja favorizoi "5D"-në në tendera

Zbardhen detaje nga vendimi i Apelit të Posaçëm, Apeli:

Gjykata e Posaçme e Apelit, vijon të gjejë mangësi në hetimet e SPAK për çështje të caktuara.

Së fundmi në një vendim të zbardhur të kësaj gjykate, përveçse i sugjeron SPAK-ut ti hetojë drejtorët e Bashkisë së Tiranës si grup i strukturuar kriminal, ka gjetur përfshirjen e drejtorit të Ujësjellësit të Tiranës, Elton Kacidhja në aferën korruptive të prokurimeve publike.

Vendimi i Apelit, përmend një sërë indiciesh dhe faktesh, të cilat sipas tij, SPAK nuk i ka hetuar siç duhet.

Gjykata e Posaçme e Apelit ka orientuar SPAK që të hetojë implikimin e drejtorit të Ujësjellësit të Tiranës, Elton Kacidhja, në aferën 5D.

Vendimi i Apelit, që i referohet portal Kapital.al, përmend një sërë indiciesh dhe faktesh, të cilat sipas tij, SPAK nuk i ka hetuar siç duhet.

Një pjesë e tyre lidhen me një procedurë tenderuese për rikonstruksionin e rrjetit të ujësjellësit në rrugën: “Aleksander Moisiu”.

Nga 14 operatorë ekonomikë ku përshihet edhe bashkimi i operatorëve ekonomikë “VAS Konstruksion sh.p.k. – Senka sh.p.k., rezulton se pas vlerësimit të ofertave, ajo e bashkimit te operatorëve të mesipëm ka qenë në renditje në vendin e katërt.

“Rezulton se KVO-ja ka skualifikuar operatorin ekonomik në renditje ishte me ofertë më të ulët se bashkimi i operatoreve fitues, ndërsa një prej ofertave e ka vlerësuar si ofertë anomalisht të ulët dhe e ka skualifikuar. KVO-ja ka renditur në vendin e parë ofertën e bashkimit të operatorëve “VAS Konstruksion sh.p.k. – Senka sh.p.k.”,

Tenderi në fjalë u shpall në 22 shtator të vitit 2020. Fondi limit i kësaj kontrate ishte përcaktuar 42 milionë lekë ose 420 mijë euro dhe në garë morën pjesë 14 kompani ose bashkime shoqërish.

Oferta më e ulët u paraqit nga kompania “Euro-Alb sh.p.k”, e cila ofroi ta realizonte kontratën kundrejt një çmimi prej rreth 250 mijë eurosh.

Pas Euroalb, çmimin e dytë më të ulët e dha Ndregjoni me 265 mijë euro dhe në vendin e tretë ishte bashkimi i shoqërisë V.A.S Konstruksion-Senka, emri I mëparshëm I %D, me çmim 311 mijë euro.

Në 18 nëntor të vitit 2020, kreu i UKT ka miratuar renditjen e kompanive në tender duke shpallur fituese bashkimin e kompanive V.A.S-Senka. Sipas vendimit, gjatë kësaj kohe drejtori i Ujësjellësit, Kacidhja ka patur komunikime të vazhdueshme me pronarin në letra të 5D-së, Nestor Muhametllarin. Tema e tyre ishte jo vetëm tenderi në rrugën Aleksandër Moisiu, por edhe shumë procedura të tjerë prokurimi, ku D dukej se merrte informacion të privilegjuar direkt nga Elton Kacidhja.

“Ata komunikojnë për projekte, për prokurimin e rikostruksionit të shkarkuesit katastrofik të ujëmbledhesit, rezervuari Allgjate, projekte për rezervuar Gjuslikonje, informacione mbi problemin e digës Gjysylkane, shkëmbejnë dokumenta me mesazhe, para dhe pasi zhvillohet procedura e prokurimit publik. Të krijohet pershtypja se ka një marrëdhënie shumë të afert bashkepunimi ndërmjet tyre”.

SPAK vihet për të disatën herë nën sitën e gjyqtarëve në apel sa iu takon hetimeve, ku pas rekomandimit që 5D të hetohet si grup i strukturuar kriminal, tashmë evidentohen edhe magësi të theksuara në hetimin e kësaj çështjeje./Syri

EMISIONET