VIDEO/ Lumenjtë e dr*gës nga Ekuadori e miliona euro pasuri! Urdhërndalime për 40 shqiptarë, 12 italianë

Detaje të reja nga operacioni i koduar “Ura” i ndërmarrë nga skuadra e Antimafias dhe SPAK njëkohëisht në disa qytete të Shqipërisë dhe në Itali.

Janë 52 urdhëarreste në total për 40 shqiptarë dhe për 12 italianë.

Armand Tragaj, (ish-sekretari i Këshillit Bashkiak në Durrës)

Ervis Doçi (i njohur edhe si “Visi i Pojës”)

Droga sigurohej në Ekuador ndërsa shpërndahej në Pulia dhe në Europë. Operacioni u shtri në disa qytete të vendit, si Tiranë, Durrës, Elbasan, Vlorë dhe Fier. Ata akuzohen për trafik ndërkombëtar droge, riciklim e abuzimit me detyrën, si dhe është ekzekutuar urdhri i sekuestrimit të pasurisë prej disa miliona euroshe në Itali e Shqipëri.

HETIMI

Hetimi, i cili filloi në shtator 2021 dhe përfundoi në qershor 2022, dokumentoi ekzistencën e tre organizatave kriminale transnacionale , që vepronin midis Barit dhe Durresit, të dedikuara për importimin, përpunimin dhe shpërndarjen e sasive të mëdha të heroinës dhe kokainës.

Shoqatat italiane, aktive në Puglia, ishin në kontakt të drejtpërdrejtë me një klan të fuqishëm shqiptar me qendër në Durrës, përgjegjës për menaxhimin e trafikut ndërkombëtar të drogës, që vinte nga Turqia dhe Amerika Latine , drejt Evropës Jugore dhe Italisë.

Sipas asaj që u konstatua nga hetuesit – gjithashtu falë përgjimeve mjedisore, telefonike dhe video, si dhe rikuperimit të bisedave të koduara nga SKYECC – janë dokumentuar dërgesa të shumta narkotikësh, përfshirë 255 kg kokainë dhe heroinë të pastër , të dërguara në Itali nëpërmjet korrierëve ndërkombëtarë.

Gjithashtu doli në pah një rrjet i dendur pastrimi parash , i kryer nëpërmjet transportimit të parave të gatshme nga Puglia në Shqipëri me ndihmën e shoferëve të autobusëve , për një vlerë totale prej mbi 4.5 milionë eurosh .