Ndodhi tek Gjiri i Lalzit/ Burri heq me forcë flamurin turk dhe e hedh në det, arrestohet pasi publikoi videon online

Një 48 vjeçar është arrestuar pasi hoqi me forcë flamurin turk nga një vendrojë detare në Gjirin e Lalzit.

Specialistët e Komisariatit të Policisë Durrës, pas disa orësh kërkime, bënë të mundur lokalizimin dhe kapjen e shtetasit Sh. S, 48 vjeç, banues në Mazrek, Tiranë.

“Kapja dhe arrestimi i tij u bë për arsye se ky shtetas, gjatë kohës që ka qenë në plazhin e quajtur “Gjiri i Lalzit”, ka hequr me forcë nga një vendrojë detare, një flamur të shtetit turk, të cilin më pas e ka hedhur në mënyrë demonstrative në det. Ky veprim është filmuar me celular dhe më pas është postuar në rrjetet sociale, nga ky shtetas” informon policia e Durrësit.

Policia e kishte shpallur në kërkim  pasi ishte fshehur pas ngjarjes.

Pas kërkimeve nga Policia u bë i mundur lokalizimi, kapja dhe arrestimi i tij për veprat penale "Nxitja e urrejtjes ose grindjeve" dhe "Prishja e rendit dhe qetësisë publike".

Materialet i kaluan Prokurorisë Durrës, për veprime të mëtejshme.

Ndodhi tek Gjiri i Lalzit/ Burri heq me forcë flamurin turk dhe e hedh

Ndodhi tek Gjiri i Lalzit/ Burri heq me forcë flamurin turk dhe e hedh

Ndodhi tek Gjiri i Lalzit/ Burri heq me forcë flamurin turk dhe e hedh 

Ndodhi tek Gjiri i Lalzit/ Burri heq me forcë flamurin turk dhe e hedh

EMISIONET