NGJARJA E TRISHTË/ Darda humbi betejën me leuçeminë, mamaja e 19-vjeçares: Vajza kërkoi që të mos mbanim zi
Margarita Dhimo, mamaja e Darda Dhimos vajzës nga Korça që ndërroi jetë pas një sëmundjeje të rëndë në një intervistë në Ora News tregoi edhe momentet e fundit të vajzës para se të ndërronte jetë.
Margarita Dhimo: Aty ajo nuk ka folur shumë pasi ishte në reanimacion pasi ishte me parametra shumë të ulët.
Mezi fliste edhe sytë mezi i hapte. Unë u trondita shumë kur e pashë në atë gjëndje.
Lëvizjet e mia ishin të crregullta. Por ajo ishte e qeshur, duke më dhënë zemër.
Edhe fjalët e fundit që ajo ka thënë për mua ishte se kishte etje. Ajo kishte gjithmonë neps.
Ajo ka thënë mami dua të pi një lëng ose të ha një frut, por nuk më kanë lejuar për shkak të gjendjes së saj.
Edhe pastaj jemi lutur së bashku. Edhe nuk më kanë lejuar më shumë.
Më kanë thënë se tani duhet ti thuash mirupafshim. Edhe ajo ka ngritur dorën dhe më ka thënë mirupafshim.