Nano zbret në terren, sheh me dylbi për mjete në det, porosi policëve: Keni në dorë jetën e njerëzve!

Nano zbret në terren, sheh me dylbi për mjete në det, porosi

Drejtori i Përgjithshëm i Policisë së Shtetit Gledis Nano duket se ka dalë në terren tashmë pas ngjarjes së rëndë në Himarë.

Nano mesditën e sotme, inspektoi masat shtesë të marra për rritjen e sigurisë në plazhe.

Ai ishte i shoqëruar nga Drejtori i Policisë Lezhë, Vehbi Bushati, ku zhvilloi një takim me efektivët e Stacionit të Policisë Shëngjin dhe më pas me efektivët e Stacionit të Policisë Kufitare Shëngjin, të cilët mbulojnë zonën bregdetare në qarkun Lezhë.

Nano kërkoi nga drejtuesit e strukturave, si dhe nga efektivët, angazhim dhe përkushtim, për zbatimin me rigorozitet të detyrave dhe masave shtesë të caktuara nga Drejtoria e Përgjithshme e Policisë së Shtetit, me qëllim parandalimin e ngjarjeve që cenojnë jetën dhe shëndetin e pushuesve në plazhe e zona turistike.

Nano: Punoni me përkushtim dhe përgjegjësi, pasi detyra që kryeni është sa e vështirë, aq edhe fisnike. Me punën, angazhimin dhe ndershmërinë tuaj keni në dorë jetën e sigurinë e qytetarëve, imazhin e Policisë së Shtetit, si dhe të vendit në tërësi. Ky është privilegj, po aq edhe përgjegjësi, ndaj mos neglizhoni askënd, cilido qoftë, zbatoni ligjin e vetëm ligjin dhe shërbejuni qytetarëve me përkushtim e humanizëm.

Nano, bashkë me drejtuesit e policisë vendore e kufitare, ka inspektuar nga afër masat shtesë ku gjatë vrojtimit me dylbi dhe kamera nuk është konstatuar asnjë mjet lundrues në zonat ku ka pushues.

Nano zbret në terren, sheh me dylbi për mjete në det, porosi

EMISIONET