Zhvati 50 mln € me Call Center-at, Gjykata e Vlorës lë në burg Granit Pepnikën dhe dy bashkëpunëtorët

Gjykata e Vlorës ka vendosur masën e sigurisë “Arrest në burg” për Granit Pepnikën, i cili u arrestua pak ditë më parë në Dhërmi.

Ai akuzohet për veprën penale “Mashtrim kompjuterik”.

E njëjta masë sigurie, “Arrest në burg”, është caktuar edhe për shtetasin Xhoni Hitaj, i akuzuar gjithashtu për veprën penale “Mashtrim kompjuterik”, si dhe për shtetasin Redion Rexhmati, i cili akuzohet për veprën penale “Përkrahja e autorit të krimit”.

Granit Pepnika dhe Xhoni Hitaj ishin shpallur në kërkim që prej muajit prill, pasi Gjykata e Tiranës kishte caktuar më herët ndaj tyre masën e sigurisë “Arrest në burg” në kuadër të hetimeve për këtë çështje.

Tre shtetasit u vunë në pranga të premten në zonën e Drimadhës, pas zhvillimit të operacionit policor të koduar “Rrjetet”, i organizuar nga strukturat e Policisë së Shtetit.

Operacioni kishte si objektiv goditjen e personave të dyshuar për përfshirje në veprimtari kriminale në fushën e mashtrimeve kompjuterike dhe identifikimin e bashkëpunëtorëve të tjere