Me numrin e Henryt, Gyokeres hedh në erë faqen e internetit të Arsenalit!

Arsenali, i cili ka qenë në kërkim të një qendërsulmuesi për disa sezone, pasi “Topçinjve” u ka munguar efektiviteti sulmues në sezonet e fundit, ndërsa luftonin për titullin e Premier League, ka gjetur lojtarin perfekt.

Viktor Gyökeres, i cili ka pasur disa sezone të mira te Sporting, do të rikthehet në pesëshen më të mirë të Evropës.

Sulmuesi suedez mori një vendim të fortë me mbërritjen e tij, duke zgjedhur numrin 14, një numër që ka kuptim në stadiumin Emirates. Thierry Henry, një legjendë e vërtetë e gjallë e klubit londinez, e mbajti këtë numër kur arriti kaq shumë suksese me ngjyrat e Arsenalit. Kjo zgjedhje padyshim që i kënaq tifozët.

Gyökeres rrëzon faqen e Arsenalit…

Arsenali, duke parë kërkesën e madhe për fanelën e Gyökeres, vendosi t'u ofrojë tifozëve printimin e lojtarit, duke u kursyer atyre 18.50 euro. Ky veprim thuhet se ka qenë aq i suksesshëm sa zyrtarët e klubit presin shifra vërtet të pabesueshme shitjesh në ditët në vijim.

Sipas The Athletic, fanela e gjigantit suedez është shitur më shumë se ajo e yjeve të tjerë në skuadër, aq shumë sa faqja zyrtare e internetit e klubit të tij të ri ka pasur vështirësi të përballojë ritmin. Disa orë më parë, dyqani zyrtar online i Arsenalit u bllokua për shkak të fluksit të tifozëve që donin të blinin fanelën e yllit të ri të klubit.