VIDEO/ Mbrëmja e futbollit në Shijak! Eventi i rrallë për mbylljen e suksesshme të sezonit të ORA Sport

Nga Klaudio Ndreca Përditësimi i fundit 9 Qershor 2023, 08:20

VIDEO/ Mbrëmja e futbollit në Shijak! Eventi i rrallë për

Gjithmonë e kemi thënë se infrastruktura sportive dhe mbulimi mediatik është gjithmonë një hap përpara në futbollin shqiptar, madje krahasuar edhe me shumë vende fqinje rrotull nesh. Pas mbylljes së sezonit në Superiore, është koha që të marrin pushimet jo vetëm aktorët e fushës së blertë, por edhe ata të studiove televizive që komentojnë gjithçka nga futbolli i luajtur për ta veshur dhe shitur akoma më mirë këtë produkt.

Kështu emisioni sportiv “Ora Sport” që transmetohet në “RTV Ora” e ka mbyllur këtë sezon dhe do të kthehet në shtator. Pas një pune fantastike në gjithë këtë periudhë të treshes së këtij emisioni, Altin Sulçe-Dorisa Kecani-Drilon Xhepollari, mbyllja nuk mund të ishte kurrsesi e një cilësie të dobët apo zhgënjyese, pra jo normale.

VIDEO/ Mbrëmja e futbollit në Shijak! Eventi i rrallë për

Një organizim i rrallë dhe ndryshe është bërë në Ajman Park, Shijak, atje ku kanë marrë shumë njerëz të komunitetit të futbollit në vend si Flor Riza, Julian Ahmataj, Edmond Ruco, Edmond Dalipi, Ilir Alliu, Eduard Zhupa, Mired Reçi(etj), por edhe njerëz të tjerë nga bota e artit si Arjan Sukniqi, Erion Korini, Klajdi Musabelliu, apo sportiste si Dorina Mema, gazetare dhe modele. Shumë figura të tjera të njohura ndodheshin aty për të dhënë trokitjen e gotave si një formë urimi për punën e bërë nga ky emision, ku gjithsecili prej tyre e ndien veten si pjesë të këtij projekti.

VIDEO/ Mbrëmja e futbollit në Shijak! Eventi i rrallë për

Për më tepër gjatë darkës, janë ndarë edhe certifikata mirënjohje nga ana e drejtuesve të emisionit “Ora Sport” për të gjithë të pranishmit, duke filluar që nga njerëzit që kanë qenë pjesë e panelit e deri te regjia dhe pjesëtarë të tjerë të padukshëm, pa të cilët nuk mund të bëhej dot asgjë. Notat e spektaklit në këtë event ia shtoi edhe njëherë tjetër me prezantimin e tij Altin Sulçe, duke i thirrur emrat e të pranishmve në skenë si të ishin fitues të një dueli boksi, nga ato të peshave të rënda.

VIDEO/ Mbrëmja e futbollit në Shijak! Eventi i rrallë për

Ishte kjo një formë e re për t’i bërë që të ndihen të gjithë sadopak të rëndësishëm, duke i lënë një shije të mirë veçanërisht Edmond Rucos që nuk nguroi aspak të bënte krahasimin: “Ju kam thënë që në krye të herës që jeni më të mirët, janë 10 vende bosh dhe pastaj fillon numërimi për të tjerët”.