FOTOT/ Georgina Rodriguez ndez plazhin në Miami, por të gjithë po shikojnë…

Partnerja e Cristiano Ronaldos, Georgina Rodriguez, ka tërhequr sërish vëmendjen e mediave gjatë një paraqitjeje në plazhet e Miamit, ku u fotografua duke shijuar ditët e pushimit mes atmosferës së Kupës së Botës.

Bukuroshja brune u shfaq e relaksuar në shoqërinë e miqve të saj, teksa zgjodhi një palë bikini të zeza të kombinuara me një fund plazhi rozë të lidhur në ije, duke ekspozuar stilin e saj elegant dhe linjat në formë.

Megjithatë, ajo që tërhoqi më shumë vëmendjen nuk ishte vetëm paraqitja e saj në plazh, por unaza gjigante e fejesës që mbante në dorë.

Sipas ekspertëve të bizhuterive, diamanti i unazës së Georginës vlerësohet mes 4 dhe 5 milionë dollarëve, ose rreth 3.7 deri në 4.6 milionë euro, duke e bërë atë një nga unazat më të shtrenjta në botën e showbiz-it.

32-vjeçarja është në një lidhje prej tetë vitesh me yllin portugez të futbollit Cristiano Ronaldo, me të cilin ka krijuar një familje të madhe dhe rrit pesë fëmijë.

Sipas raportimeve të “Daily Mail”, çifti është tashmë i fejuar dhe pritet të shënojë një vit që nga propozimi i martesës, ndërsa fansat vazhdojnë të presin me interes lajmet për ceremoninë e shumëpërfolur.

Ndërkohë, Cristiano Ronaldo po kalon një periudhë intensive në Kupën e Botës, ku Portugalia vazhdon rrugëtimin në fazat eliminatore. Futbollisti 41-vjeçar është përballur edhe me kritika për paraqitjet e tij në turne, megjithatë mbetet figura kryesore e kombëtares portugeze.

Teksa Ronaldo është i përqendruar në fushën e lojës, Georgina po shijon ditët e saj në Miami, duke tërhequr vëmendjen jo vetëm me stilin dhe elegancën, por edhe me unazën luksoze që ka ndezur sërish spekulimet për një martesë të afërt të çiftit.

g4jpg

g3jpg

g2jpg

g1jpg