Alergjitë e vjeshtës, heqja e maskës kirurgjikale shton qarkullimin viral

Alergjitë e vjeshtës, mospërdorimi i maskave kirurgjikale ka bërë që të shtohet qarkullimi viral në vend.

Mjekja alergologe, Alketa Ibranji thotë se krahasur me dy vite më parë  kur rregullat anti-Covid kërkonin përdorimin e maskës,  sot po vihet re një shtim i personave  me alergji dhe viroza.

"Me heqjen e kësaj mase, te fëmijët sidomos, kemi parë të infektohen dhe 2-3 herë nga viroza të ndryshme në një hark kohor të shkurtër."

Stina e vjeshtës është gjithashtu një nga shkaktarët kryesorë të shtimit të këtyre rasteve.

Në Qendrën Shëndetësore të Specialiteteve nr 2 kryhen 15 deri në 20 vizita në ditë te alergologët, e prej tyre ka edhe raste të cilat shfaqin këto shqetësime për herë të parë.

"4-5 raste të reja paraqiten në ditë. Mesatarisht vizitojmë 15-20 pacientë në ditë të sëmurë kronikë."

Në këtë periudhë ndër shkaktarët kryesorë janë pluhurat e shtëpisë.

"Pluhrat dhe mykrat e ajrit."

Më të rrezikuar janë fëmijët dhe mosha e tretë.

Simptomat karakteristike janë probleme me rrugët e frymëmarrjes,  skuqje të syve, kollë apo edhe kruarje e qellzës.

EMISIONET