Ngjarje makabre para maternitetit në Prishtinë, burri vret gruan shtatzënë

Një vrasje e rëndë dyshohet të ketë ndodhur para pak minutave në hapësirën e QKUK-së, saktësisht para objektit të Gjinekologjisë në Prishtinë.

Raportohet se një burrë ka vrarë gruan e tij shtatzëne.

Autoritetet e rendit thanë se kanë pranuar informatën rreth orës 18:00 se në oborrin e QKUK-së gjendej një trup i pajetë.

Viktima besohet se ishte rreth moshës 35-vjeçare.

Deklarata e Policisë 

Rreth orës 18:00, kemi pranuar informatën për një trup të pajetë, në oborrin e QKUK-së në Prishtinë.

Policia menjëherë ka dalë në vendin e ngjarjes si dhe ekipi mjekësor të cilët kanë konstatuar vdekjen  e viktimës, femër, rreth 35 vjeç.

Mbështetur në informacionet e para, dyshimet e ngritura sugjerojnë se bëhet fjalë për vrasje.

Aktualisht policia në koordinim me prokurorin e  shtetit ka nisur një hetim  dhe  po vijon ndërmarrjen e të gjitha veprimeve hetimore dhe të ekzaminimit, me qëllim  sqarimin e plotë të ngjarjes.