KURTI, “KAMPION” ME VOTA/ Lideri i Vetëvendosjes, më i votuari në zgjedhjet parlamentare

Nga Lili Saraçi Përditësimi i fundit 31 Dhjetor 2025, 14:26

KURTI, “KAMPION” ME VOTA/ Lideri i Vetëvendosjes, më i

Albin Kurti është fituesi i shumëfishtë i zgjedhjeve të parakohshme parlamentare në Kosovë.

Vetëvendosja që drejton doli forcë e parë me të drejtën për të qeverisur, ndërsa lideri i saj rezulton si më i votuari mes kandidatëve për deputetë.

Ai ka marrë 240,263 vota, duke konfirmuar pozicionin e tij si një nga figurat më të forta politike në vend.

Ndërsa pas tij në top 5 më të votuar të Lëvizjen Vetëvendosje janë:

VETËVENDOSJE

* Glauk Konjufca – 187,285 vota

* Albulena Haxhiu – 98,092

* Hekuran Murati – 97,208

* Donika Gërvalla – 87,303

Kjo renditje tregon epërsinë e qartë të VV-së dhe forcën e liderit të saj në rang personal.

Në PDK, Bedri Hamza është figura më e votuar me një shifër të konsiderueshme, ndërsa pas tij vijojnë emra që tregojnë angazhim të mirë personal dhe mbështetje nga baza e votuesve.

PARTIA DEMOKRATIKE E KOSOVËS (PDK)

* Bedri Hamza – 109,795 vota

* Arian Tahiri – 50,873

* Përparim Gruda – 47,331

* Uran Ismaili – 37,295

* Sala Jashari – 34,428

LDK-ja ka një konkurencë të fortë brenda listës, me Abdixhikun drejtimi i listës dhe emra me peshë të konsiderueshme në renditje.

LIDHJA DEMOKRATIKE E KOSOVËS (LDK)

* Lumir Abdixhiku – 53,314

* Hykmete Bajrami – 33,484

* Ukë Rugova – 29,489

* Avdullah Hoti – 26,200

* Doarsa Kica-Xhelili – 25,958

Nga Lista Serbe, Igor Simiq dallon qartë si kandidati më i votuar, me një diferencë të madhe nga të tjerët

LISTA SERBE

* Igor Simiq – 119,623 vota

* Sllavko Simiq – 20,392

* Liljana Stefanoviq – 19,042

* Millan Kostiq – 16,170

* Nemanja Bishevac – 15,805

AAK paraqet një peshë të mirë të emrave të njohur, me Ramush Haradinajn në krye të listës së më të votuarve.

ALEANCA PËR ARDHMËRINË E KOSOVËS (AAK)

* Ramush Haradinaj – 27,779 vota

* Daut Haradinaj – 17,151

* Besnik Tahiri – 16,465

* Bekë Berisha – 12,110

* Agim Çeku – 11,242

Ndërkohe viti i Ri ndal përkohësisht numërimin e votive te mbetuar dhe ato të diasporës dhe numrimi do të rifillojë më 1 janar në ora 16:00, sipas vendimit të marrë nga Komisioni Qendror i Zgjedhjeve.

Gjithsesi rezultatet e deritanishme ofrojnë një panoramë të qartë të figurave që pritet të formojnë Kuvendin e ri të Kosovës. Albin Kurti shfaqet si më i votuari absolut, ndërsa disa emra të tjerë tregojnë surpriza pozitive dhe mbështetje të fortë nga votuesit.