Borell: Pranimi i propozimit të "pesëshes së madhe" nga Beogradi dhe Prishtina, mënyra e vetme për të dalë nga kriza

Shefi i diplomacisë së Bashkimit Evropian, Josep Borell, tha sot në Bruksel se pranimi i propozimit të paraqitur nga përfaqësuesit e "pesëshes së madhe" në Beograd dhe Prishtinë është "e vetmja mënyrë për t'i dhënë fund ciklit të krizave në terren."

“Ne dëshirojmë të shfrytëzojmë rastin për të vënë në dukje se përparimi në lidhje me propozimin e ri do të sillte përmirësime të rëndësishme për të dyja palët. Besoj se kjo është mënyra e vetme për t'i dhënë fund ciklit të krizave që kemi parë kohët e fundit dhe se do të jetë dukshëm. Zvogëloni rreziqet e tensioneve të reja dhe përshkallëzimin. Ne presim angazhim serioz dhe vullnet për të përfshirë në mënyrë konstruktive të dyja palët në këtë proces, në mënyrë që ky propozim të mund të përparojë", u tha Borell gazetarëve pas seancës së Këshillit të Ministrave të Jashtëm të BE-së.

Pesë të dërguarit specialë të Bashkimit Evropian dhe Shteteve të bashkaura të Amerikës për intensifikimin e dialogut mes Kosovës e Serbisë u shprehën optimist pas takimit me presidentin Aleksandar Vuçiç.

Mirosllav Lajçak, tha se presidenti serb Aleksandar Vuçiç, gjatë bisedimeve me diplomatët perëndimorë në Beograd, “tregoi qasje të përgjegjshme dhe vullnet për të marrë vendime të vështira në interes të paqes dhe perspektivës evropiane të Serbisë”.

Ndërsa takimin me Albin Kurtin e cilësoi si jo të lehtë.

Ai theksoi se Bashkimi Evropian dhe SHBA-ja janë të përkushtuara për arritjen e normalizimit të marrëdhënieve ndërmjet Kosovës dhe Serbisë dhe përpjekjen diplomatike e cilësoi si dëshmi.

Synimi i këtyre takimeve është përgatitja e terrenit për vazhdimin e dialogut të nivelit të Lartë mes Kosovës dhe Serbisë në Bruksel, në kuadër të përpjekjes për marrëveshjen përfundimtare mes dy vendeve.

Liderët e Kosovës thotë se ky process duhet të përfundojë me njohje të ndërsjellë, ndërsa në Serbi insistojnë në zgjidhje kompromisi, por pa specifikuar shumë se çka nënkuptojnë me të.