Tedi Blushi në rrugën "Fortuzi": Braktisja e qytetarëve nga Veliaj na motivon drejt fitores së padiskutuar

Sekretar i Përgjithshëm i Partisë të Lirisë Tedi Blushi ishte sot tek një nga rrugët më të vjetra të Tiranë, në rrugën "Fortuzi" për të takuar qytetarët e për ti njohur ata me planin e kandidatit Belind Këlliçi.

"Sot në Rrugën "Fortuzi", ndër më të vjetrat dhe simbol të Tiranës, ku së bashku me ekipet e mrekullueshme të Partisë të Lirisë dhe Partisë Demokratike në Njësinë Nr.9 u takuam me dhjetëra qytetarë, për t'i dëgjuar me përulësi dhe për t'u prezantuar planin e shkëlqyer të Kryebashkiakut të ardhshëm, Belind Këlliçi.

Të lodhur nga mashtrimet, vjedhjet, arroganca dhe braktisja nga Kryebashkiaku në largim Veliaj, mbështetja e qartë e qytetarëve për planin e Belindit na motivon dhe na jep energji të reja drejt fitores së padiskutuar dhe të jashtëzakonshme më 14 Maj.

Edhe 42 ditë na ndajnë për ta rikthyer Bashkinë dhe Këshillin Bashkiak të Tiranës në shërbim dinjitoz për qytetarët, me taksa të ulta dhe investime të qëndrueshme e moderne në infrastrukturë, për t'i dhënë shkëlqimin e merituar Rrugës "Fortuzi" dhe të gjithë Tiranës.
Bashkë për Ndryshim! Votë për Ndëshkim!"