Meta: Luçiano Boçi dhe këshilltarët bashkiak, garancia e transformimit të Elbasanit

Kryetari i Partisë së Lirisë, Ilir Meta, është shprehur se Bashkia e Elbasanit do të kthehet në një qendër graviteti të medimit intelektual.

Komentet Meta i bëri gjatë prezantimit të kryesueses së listës në Bashkinë Elbasan për Këshillin Bashkiak, Rudina Mita Todri.

“Unë besoj se me Rudinën dhe me shumë intelektuale si ajo, me shumë figura të shquara që ka Elbasani, ne do të krijojmë një qendër të re graviteti për zhvillimet në Elbasan, që të jetë graviteti i mendjes, i ideve, i vizionit, i kulturës dhe jo i forcës dhe imponimit nga zotërimi i pushteteve të paligjshme dhe të pakontrolluara, të cilat përjashtojnë qytetarët nga qeverisja vendore dhe nga ajo qendrore”, është shprehur Meta.

Në rrjetet sociale, Meta tha se me Luçiano Boçin kryebashkiak të ri dhe me intelektualë në Këshillin Bashkiak, Elbasani do të transformohet.

"Pas 14 Majit, Elbasani jo vetëm do të ndryshojë, por do të kthehet në një qendër graviteti të mendimit intelektual dhe të vizionit për një të ardhme të shkëlqyer për qytetarët e tij.

Profesor Luçiano Boçi si Kryebashkiak i ardhshëm, profesore Rudina Mita Todri, intelektualët, profesionistët dhe të rinjtë që do të zgjidhen në Këshillin Bashkiak do të jenë garancia e transformimit dhe e rimëkëmbjes së Elbasanit", thekson Meta ne komentin bashkengjitur video-mesazhit te tij. 

zgjedhjet e 14 majit zgjedhjet vendore lir meta luçiano boçi elbasan zgjedhjet