Këlliçi ngre akuza për kontratat e studiove arkitekturore në projektet publike: “Albanian Files” sulmojnë PD dhe 'thurin' lëvdata për PS

Deputeti i Partisë Demokratike Belind Këlliçi ka publikuar një reagim ku ngre akuza ndaj disa studiove arkitekture ndërkombëtare që kanë punuar në Shqipëri, duke i lidhur me qeverinë dhe projektet publike të realizuara në vend.

Sipas tij, disa prej këtyre studiove, përfshirë edhe “Albanian Files”, kanë mbajtur qëndrime politike në shkrimet dhe shënimet e tyre, duke mbështetur Partinë Socialiste dhe Kryeministrin Edi Rama, ndërsa sipas tij kanë kritikuar Partinë Demokratike të Shqipërisë duke e cilësuar si forcë me të kaluar komuniste.

Në reagim thuhet gjithashtu se këto studio kanë përfituar projekte publike në Shqipëri dhe se kjo, sipas Këlliçit, ka ndikuar në qëndrimet e tyre publike dhe profesionale.

Ai e lidh këtë me mënyrën se si jepen kontratat dhe me marrëdhëniet mes qeverisë dhe studiove të huaja që operojnë në vend.

Në të njëjtin qëndrim përmendet edhe studio arkitekture Bolles+Wilson, për të cilën thuhet se ka pasur projekte në Shqipëri, ndërsa ngriten pyetje mbi mënyrën e përzgjedhjes së tyre dhe lidhjet me institucionet shtetërore.

Ai kërkon transparencë mbi kontratat publike dhe mënyrën se si këto studio janë përfshirë në projekte në Shqipëri, duke paralajmëruar se çështja mund të ngrihet edhe në Kuvend.