Valon Behrami vetëm një hap larg Interit
Nga OraNews Përditësimi i fundit 23 Maj 2014, 12:09
Inter, është në kërkim të një përforcimi në mesfushë, dhe duket se ka arritur marrëveshje me Valon Behramin. Sipas të përditshmes sportive italiane Corriere dello Sport, ylli kosovar ka pranuar ofertën e zikaltërve me 1.8 milionë euro në sezon, dhe bonuse të vlefshme deri në vitin 2017. Tani, 'topi' kalon tek Napoli. Zi- kaltrit dëshirojnë të ofrojnë 5-6 milionë euro për Behramin por presidenti i Napolit, Aurelio De Laurentis e vlerëson futbollistin zviceran 8 milionë euro.
Në ditët e fundit, edhe Liverpooli ka shfaqur interesim për Behramin, por dëshira për të qëndruar në Itali dhe rikthimi nën urdhrat e trajnerit Valter Mazzarri janë dy faktor që e shtyjnë të zgjedh Interin.
Objetkiva të tjerë të klubit zi-kaltër për të përforcuar mesfushën janë edhe Luiz Gustavo e Granit Xhaka. Për brazilianin duket shumë e vështirë pasi Wolfsburgu nuk kërkon të ulë pretendimet e tij ku kërkon jo më pak se 33 milion euro, ndërsa për lojtarin kosovar mund të arrihet shumë shpejt një marrëveshje me Borussia Monchengladbach.
