Zaharia rrëfen rrugëtimin në art: Nëse roli nuk është i vështirë, nuk e bëj, profesioni më motivon

Amos Zaharia  në studion e “Jeto me Orën “, përballë moderatores Ana Kallaku rrëfeu rrugëtimin e tij drejt artit.

Teatri dhe filmi dy dashuri të pandara për të. Aktori u shpreh se ky vit ishte i suksesshëm për të.

"Ky vit ka qenë për mua një vit i mirë, me shfaqje të cilat patën përkrahjen e publikut. Boeing Boeing “ ka qenë një shfaqje teatrale shumë e pëlqyer nga njerëzit.

Ka njerëz që e kanë parë disa herë, madje e dinë çdo pjesë të tekstit  dhe ndodh që kur ne mund të ngatërrohemi na e rikujtojnë" u shpreh ai. 

Përsa i përket roleve ai tha se nuk mund të veçante por të gjitha i ka dashur pasi për të nëse një rol nuk është i vështirë, nuk përbën interes.

"Të gjithë kostumet me rolet që kam luajtur nuk mund ti ndajë i kam si gishtat e dorës. Rolet që bëjë i  dua të vështirë,  në qoftë se nuk janë nuk  i bëj. Të gjitha rolet që luaj jetojnë me mua vetëm në skenë"- u shprehe Zaharia.

Lidhur me jetën e tij personale ai u shpreh se është single  dhe se për dy vjet nuk ka ndërmend të ndërroj status.

Ndërsa ndjesia e të qenurit dajë për të është rikthim në fëmijëri.

"Geraldina na ka kthyer si familje në fëmijëri ,ndihemi të gjithë fëmijë me të " u shpreh ai.

EMISIONET