“Për një artist si MC Kresha” nga pendesat e së kaluarës e deri te shkëputja përgjithmonë nga muzika

Gjatë intervistës, rubrika e pyetjeve flash  (të shpejta)zbulon shumë gjëra për artistët dhe kështu ndodhi edhe me MC Kreshën. Nga pendesat në të kaluarën e deri në momentin që do lejë muzikën përgjithmonë, artisti na thotë akoma edhe më shumë.

Dajana: Për një artist si MC Kresha, cilat janë tre gjërat që vlejnë në karrierën e një profesionisti?

MC Kresha: Talent 10%, Punë 80% dhe Fat 10%.

Dajana: Çfarë nuk do të toleroje kurrë në muzikë?

MC Kresha: Të më shkruajë dikush tekstet nuk do e toleroja kurrë.

Dajana: Një artist si MC Kresha, kur do ta lejë përfundimisht muzikën?

MC Kresha: Kur t’i vijë koha. Nuk mund të bësh rap për 45-50 vite dhe vjen një moment kur njeriu e ndjen se duhet të kalojë në një fazë tjetër të jetës profesionale.

Dajana: Çfarë mund ta nervozojë një artist si MC Kresha?

MC Kresha: Nëse Liverpol nuk luan mirë {bën shaka}

Dajana: Çfarë nuk do të bëjë kurrë në jetën tënde?

MC Kresha: Vetëvrasje.

Dajana: Për çfarë je penduar në jetën tënde?

MC Kresha: Për shumë gjëra, por Zoti ka një plan për ne dhe ai i di më mirë se ne. Nëse jam penduar për diçka, padyshim që Zoti ka pasur një plan më të mirë dhe mund të them se janë pendesa që nuk ia vlen me i përmend.

D-Night një program nga Dajana Shabani nga e hëna në të enjte live në Rtv Ora 23:00-00:00

EMISIONET