“Mos më turpëro” dhe 6 fraza të tjera që mund t’i dëmtojnë vetëbesimin fëmijës

Fjalët e thëna gjatë fëmijërisë mund të lënë gjurmë të thella në mënyrën se si një person e sheh veten, merr vendime dhe përballet me sfidat në jetë.

Psikologët theksojnë se disa fraza që prindërit i përdorin shpesh me qëllim disiplinimi apo mbrojtjeje, mund të ndikojnë negativisht në vetëbesimin dhe pavarësinë e fëmijëve.

Një prej tyre është shprehja “Sepse unë them kështu”, e cila mund t’i bëjë fëmijët të ndihen sikur mendimet dhe pyetjet e tyre nuk kanë rëndësi. Me kalimin e kohës, kjo mund t’i pengojë ata të besojnë në gjykimin e tyre.

Edhe fraza “Nuk e di çfarë është më e mira për ty” mund të dobësojë besimin e fëmijës në aftësitë e veta për të marrë vendime dhe për të mësuar nga gabimet.

Psikologët paralajmërojnë gjithashtu për shprehje si “Do ta kuptosh kur të rritesh”, pasi ato mund të bëjnë që fëmija të ndiejë se pyetjet e tij nuk janë të rëndësishme dhe të humbasë kuriozitetin për të mësuar.

Ekspertët theksojnë se fëmijët kanë nevojë jo vetëm për rregulla dhe udhëzime, por edhe për mbështetje, shpjegime dhe mundësi për të provuar vetë. Kjo i ndihmon ata të zhvillojnë vetëbesim dhe aftësi për të marrë vendime në të ardhmen.