Bashkëpunim me Flori Mumajesin? Riza Loci tregon rreth projekteve të reja muzikore

Riza Loci  në emisionin “Jeto me Orën” në RTV Ora tregoi më shumë rreth pasionit të tij për muzikën, personave që e kanë mbështetur më shumë, vështirësive me të cilat përballet në Amerikë si dhe projekteve të reja që do të sjellë.

Gazetarja: Si lindi dëshira e pasioni për muzikën?

Riza Loci: Isha 12, 13 vjeç kur dëgjoja hip hop. Fillova të shkruaj tekste, filloi ideja të merresha me diçka. Në moshën 17 , 18 vjeç fillova të shkoj nëpër studio. Nëna ka qenë e para që më ka shtyrë. Babi ka qenë kundër, kishte paragjykim për rrepin. Kohët e fundit më ka suportuar më shumë, më ka dhënë ide.

Gazetarja: Qasja në tregun amerikan është e vështirë?

Riza Loci:  Është shumë e vështirë se ka shumë këngëtar. Në Shqipëri është më e lehtë se dhe vendi është më i vogël. Dëgjoja shumë muzikë. Edhe tani dëgjoj shumë muzikë. Në Amerikë ke më shumë mundësi të ecësh përpara. Nëse punon shumë dhe je i pasionuar pas asaj që do mund t’ja arrish.  Projektet në fillim kanë qenë pa videoklip, pasi dhe mundësitë nuk ishin. Tani kohët e fundit kam një shok që është si menaxheri im.

Gazetarja: Ke ndonjë artist që do të bësh bashkëpunim?

Riza Loci: Është një artist që do të doja të kisha një bashkëpunim, Flori Mumajesi. Në të ardhmen e shoh një bashkëpunim me të.

Ai prezanton hip hop shqip në Amerikë.

Riza Loci: Dua ta përhap sa më shumë shqipen nëpër botë. Në New York ka shumë shqiptarë. Kam kënduar një këngë të papublikuar. Do të publikohet nga viti tjetër këtë këngë me videoklip.

Sa herë që ka një projekt të ri ai ja tregon së pari mamasë së tij.

Riza Loci: Jam një çik qun mami. Mendoj se duhet të japim një mesazh për çdo njeri që ka nënën gjallë që ta duan e ta përqafojnë nëna është gjëja më e mirë që kanë në këtë botë.

Projekti më i ri muzikor për të cilin po punon është kënga “Mos shko” flet për dashurinë.

EMISIONET