Diplomacia e marrëdhënieve 100 vjeçare shqiptaro-amerikane në një libër

Historiani dhe studiuesi i njohur i marrëdhënieve ndërkombëtare, njëkohësisht edhe Drejtor i Shkollës doktorale të Universitetit Mesdhetar të Shqipërisë, Prof. Doc Paskal Milo promovoi librin “Diplomacia e Marrëdhënieve shqiptaro-amerikane”.

Në ceremoninë e organizuar morën pjesë personalitete të njohur të politikës, studiues, përfaqësues të trupës diplomatike shqiptare e të huaj.  

Marrëdhëniet 100-vjeçare mes dy vendeve vijnë në një vëllim të vetëm teksa u vlerësua si një nismë kurajoze dhe një studim shkencor i arrirë.

Anastas Angjeli: Profesor Paskal Milo, përgjatë faqeve të këtij libri, nuk sjell vetëm një analizë të marrëdhënieve diplomatike shqiptaro-amerikane,  por pasuron informacionin me shumë fakte për zhvillimet e brendshme politike në Shqipëri dhe për personalitete shqiptare brenda dhe jashtë vendit.

Valentina Duka: Këto ngjarje si segment i rëndësishëm i historisë së shekullit të 20-të dhe fillimit të shekullit të 21-të,ngjarje të cilat ndikuan fuqishëm në historinë e  formimit dhe konsolidimit të shtetit shqiptar.

Vlerësime për librin dhanë edhe panelistët e tjerë Hamit Kaba e Arben Cici.

Vetë autori u shpreh se botimi vjen pas një investimi shumëvjeçar pune, dedikimi e bashkëpunimi. 

Paskal Milo: Ja dedikoj realizimin e kësaj vepre vullnetit që gjithmonë më ka nxitur për të punuar pa pyetur për kohën dhe familjes time që më ka mbështetur.

Vlerësime për botimin dhanë edhe pjesëmarrësit në promovim.

promovim libri