Supertajfuni Bavi godet ishullin amerikan Rota, raportohen dëme të mëdha

Super tajfuni Bavi ka goditur ishullin Rota në Ishujt Mariana Veriore të SHBA-së, duke shkaktuar dëme të mëdha materiale, përmbytje dhe erëra me intensitet ekstrem. Autoritetet lokale raportojnë se banorët kanë nisur të sinjalizojnë dëme të konsiderueshme, ndërsa Shërbimi Kombëtar i Motit i SHBA-së paralajmëroi për një situatë kërcënuese për jetën, me erëra që arritën deri në 180 milje në orë.

Sipas mediave, super tajfuni shoqërohet nga erëra që mund të arrijnë deri në 350 kilometra në orë. Pjesa më e madhe e ishullit do të jetë e pabanueshme për javë të tëra, nëse jo më gjatë. Shtëpitë që nuk janë bërë prej betoni dhe nuk janë përforcuar do të shkatërrohen, shumë prej tyre plotësisht. Gjithashtu parashikoi valë deri në 35 metra (10.7 metra) dhe kushte detare jashtëzakonisht të rrezikshme.

"Nëse punojmë së bashku dhe marrim masat e nevojshme paraprake, mund t'i mbrojmë familjet dhe komunitetin tonë. Lutemi për sigurinë e qytetarëve tanë", tha Aubrey Hocog, kryebashkiaku i Rotës.

Ishulli ndodhet pranë Guamit, një territor tjetër amerikan me 170,000 banorë. Ishujt Mariana Veriore u goditën rëndë në prill nga Super Tajfuni Sinlaku, i cili u ndërpreu energjinë elektrike dhjetëra mijëra njerëzve, rrëzoi pemë, përmbysi automjete dhe rrëzoi çati.

Trafiku ishte i lehtë në Guam dhe Ishujt Mariana Veriore dje. Policia po patrullonte dhe po bënte thirrje për vigjilencë. Ekipet e mbrojtjes civile dhe Agjencia Federale e Menaxhimit të Emergjencave ishin në terren në Guam, ku 1.1 milion litra ujë të pijshëm, 1.2 milion vakte të gatshme për t’u ngrënë, 6,700 shtretër kampingu dhe 90 gjeneratorë u dërguan në një qendër shpërndarjeje.

U hapën gjithashtu pesë strehimore me një kapacitet prej 1,900 personash.

Organizata Botërore Meteorologjike (OBM) paralajmëroi javën e kaluar se fenomeni klimatik El Niño, i cili zakonisht ndodh çdo dy deri në shtatë vjet dhe zgjat nëntë deri në 12 muaj, është tashmë në zhvillim e sipër në Oqeanin Paqësor tropikal.

Fenomeni rrit temperaturat sipërfaqësore në Paqësorin qendror dhe lindor pranë ekuatorit, duke ndryshuar modelet e erës, presionit dhe reshjeve dhe duke ndryshuar klimën në shkallë globale, duke shkaktuar ngjarje ekstreme dhe shkatërruese të motit.