Sekretari i Mbrojtjes britanike: Vladimir Putin mund të shpallë luftë të re botërore brenda ditëve

Vladimir Putin mund të shpallë një luftë të re botërore brenda disa ditësh, ka deklaruar Sekretari i Mbrojtjes i Britanisë.

Paralajmërimi vjen pretendimeve të Rusisë se pushtimi i Ukrainës ka të ngjarë të përfundojë në një luftë botërore bërthamore.

Sekretari i Mbrojtjes Ben Wallace ka paralajmëruar se presidenti rus mund të përdorë festimet tradicionale të Ditës së Fitores, më 9 maj, datë në të cilën përkujtohet fundi i Luftës së Dytë Botërore.

KETU LAJMET MINUTE PAS MINUTE

Ai tha gjithashtu se pushtimi rus i Ukrainës rrezikonte të shndërrohej në "një lloj rritjeje kanceroze" që duhet të ndërpritet.

Kjo vjen pas komenteve të redaktores së transmetuesit shtetëror RT Margarita Simonyan, e cila tha në një transmetim se ishte "më e mundshme" që Presidenti rus të niste një sulm bërthamor sesa të lejonte  Rusinë  të humbiste luftën.

Ushtria e Putin parakaloi nëpër Moskë dhe Shën Petërsburg duke bërë prova për "Ditën e Fitores."

Fotot rrëqethëse tregojnë fuqinë e ushtrisë ruse që bën paradë nëpër qytete, me tanke dhe lëshues raketash bërthamore, shkruan The Sun. 

Zoti Wallace tha se Britania e Madhe do të vazhdojë të furnizojë me armë qeverinë në Kiev dhe po kërkon të sigurojë raketa kundër anijeve.