Mbreti Felipe VI ngarkon Sánchez me formimin e qeverisë së re

Mbreti Felipe VI i Spanjës i ka besuar udhëheqësit socialist Pedro Sanchez detyrën për të formuar një qeveri të re.

Presidentja e Kongresit, Francina Armengol e raportoi këtë pasi u prit nga monarku.

“Unë synoj të krijoj një qeveri legjislative. Do të paraqes një projekt stabiliteti, progresi, për të rinjtë, punonjësitt, të moshuarit dhe gratë e këtij vendi”, tha Sanchez në fund të bisedës së tij me mbretin.

“Ne besojmë në progresin shoqëror të punës së qëndrueshme dhe pagave të mira, së bashku me mbrojtjen e planetit”, shtoi ai.

“E pranoj këtë detyrë, me nder të madh dhe me një ndjenjë të madhe përgjegjësie, spanjollët me votat e tyre kërkuan formimin e një qeverie”, tha Sanchez.

Mandati i dështuar i Feijòo-s ka treguar se nevojitet një qeveri progresive”, tha ai.

Sánchez ka kohë deri më 27 nëntor për të formuar një koalicion të qëndrueshëm, pas të cilit zgjedhjet e reja do të mbahen më 14 janar.

Përveç ngërçit të brendshem politik, presidenca e Spanjës me BE-në deri në fund të dhjetorit mbetet nën hijen e pasigurisë politike.