Irani në tranzicion të ndjeshëm politik / Mungesë e udhëheqësit suprem në ceremoninë mortore familjare

Udhëheqësi i ri suprem i Iranit, Ajatollah Mojtaba Khamenei, nuk pritet të marrë pjesë në ceremoninë mortore të babait të tij për shkak të shqetësimeve serioze të sigurisë, sipas raportimeve ndërkombëtare.

Ai është konfirmuar së fundmi si udhëheqësi i tretë suprem i vendit, pas vdekjes së Ajatollah Ali Khameneit, i cili u vra në kompleksin e tij në Teheran në ditën e parë të luftës së fundit të raportuar në rajon.

Burime të ndryshme theksojnë se për Mojtaba Khamenein dihet shumë pak, pasi ai nuk është shfaqur publikisht që nga marrja e këtij posti. Sipas Sky News, ka pasur gjithashtu spekulime të vazhdueshme se 56-vjeçari mund të ketë pësuar lëndime të rënda gjatë sulmit që i mori jetën të atit.

Raportimet pretendojnë se ai po trajtohet për plagë në fytyrë dhe në këmbë, ndërsa dëmtimet e tij dyshohet të jenë serioze. Megjithatë, këto informacione nuk janë konfirmuar zyrtarisht nga autoritetet iraniane.\

Po ashtu, sipas të njëjtave burime, disa anëtarë të afërt të familjes së tij kanë humbur jetën në sulm, duke e bërë situatën edhe më të ndjeshme për strukturën drejtuese të Iranit në këtë periudhë.