Sulmi në Teksas, adoleshenti vret 19 fëmijë dhe 2 mësues

Sulmi në Teksas, adoleshenti vret 19 fëmijë dhe 2 mësues

Nga sulmi me armë mbrëmjen e djeshme në një shkollë fillore në qytetin Uvalde në shtetin e Teksasit, bilanci i të vdekurve vazhdon të rritet.

Deri tani raportohet të kenë humbur jetën 19 fëmijë të vegjël të moshës nga 7- 11 vjeç dhe 2 mësues.

KETU LAJMET MINUTE PAS MINUTE

Mësohet se disa fëmijë të tjerë kanë ngelur të plagosur.

Sulmi në Teksas, adoleshenti vret 19 fëmijë dhe 2 mësues

Autoritetet e policisë vendase kanë ekzekutuar 18-vjeçarin në vendin e ngjarjes, duke lënë mister edhe shkaqet e ngjarjes.

Guvernatori i shtetit të Teksasit, republikani Greg Abbot e quajti sulmin të tmerrshëm dhe të pakuptimtë.

Në vazhdën e misterit, policia e Uvaldes ka thënë se agresori kishte qëlluar me armën e krimit gjyshen e tij përpara se të shkaktonte tragjedinë.

Sulmi në Teksas, adoleshenti vret 19 fëmijë dhe 2 mësues

Presidenti Biden lidhur me ngjarjen shprehu trishtimin si edhe bëri thirrje për rishikim të ligjit të armëve.

"Të humbësh një fëmijë është si të të këputet një pjesë e shpirtit. I kërkoj Amerikës të lutet për të gjithë prindërit e të vdekurve. Jam i sëmurë dhe i lodhur prej lobit të armëve, duhet të kontrollohet ligji i armëve dhe duhet zëvendësuar me ligje të arsyes së shëndoshë," tha Biden.

Në javët e fundit, sulmet masive me armë zjarri kanë qenë të shpeshta, duke lënë dhjetëra viktima për çdo rast agresioni.

EMISIONET