Pritje shtetërore për kryeministrin Edi Rama në Ankara.

Presidenti turk Recep Tayyip Erdogan i ka rezervuar mikut të tij një ceremoni shtetërore në pallatin presidencial.

Pas luajtjes së dy himneve kombëtare, Rama u përshëndet edhe nga ushtarët e pranishëm.

Pas një takimi kokë më kokë, Erdogan dhe Rama do të dalin në një konferencë të përbashkët për shtyp, raporton Ora News.

Turqia është aleate strategjike e Shqipërisë që pas ardhjes në pushtet të socialistëve në vitin 2013, ndërsa marrëdhëniet mes Ramës dhe Erdogan i kanë tejkaluar ato zyrtare.

Pritje të tilla Erdogan rezervon vetëm për krerët e shteteve dhe jo kryeministrat, por kur bëhet fjalë për “vëllain” e tij protokolli edhe mund të thyhet.

Në këtë vizitë, Rama shoqërohet nga disa ministra të kabinetit të tij: Evis Kushi, Arben Ahmetaj, Bledi Çuçi etj.

/a.r,OraNews